Eight three four

Dili na kita makakitag laing Dolphy. Una kay lahi kadto siya nga individual, lahi og abilidad. Ug ika duha nausab na ang panahon. Bisag dunay laing Dolphy karon di na mausab ang eksperyensya.

Medyo taboo pa ang bida nga bayut sa pelikula dihang gipakatawa ni Dolphy ang movie goers sa iyang Pacifica Falayfay. Pila ka tuig human niani nagbinayut usab si Joey de Leon. Ug karong bag-o duna ma gayuy tinuod nga bayot sa pelikula -si Vice Ganda.

Ang laing kausaban mao ang pag-abot sa mga babaye nga komedyante. Kon sa una pakapin ra sa lalaking komedyane ang babaye nga kataw-anan sama kanila ni Dely Atay-atayan ug Chichay, karon mahimo na nga sa babayeng komedyante magtuyok ang pelikula. Si Aiai delas Alas ug Eugene Domingo mahimo na nga maoy dala sa salida ug nga tan-awon gihapon kinis mga tao.

Mi-ingon sila nga si Vic Sotto maoy sunod nga Dolphy. Popular si Vic labi na kay taudtaud nga nakuptan niani ang paghimo sa top grosser nga pelkula kada Manila Film Festival. Kapin na tingali sa tunga sa dosena ang mga Inting Kabesote nga nahimo ni Viv Sotto ug puros hit ang matg usa niani. Sama kang Dolphy diha usay mga sitcom si Vic. Sama kang Dolphy matinabangon usb kini si Vic. Ug sa padagahany og uyab murag mogukod kini siya ni Pidol. Apan alang lang kanako di man kaayo ingon ka lingaw ang mga sine ni Vic sa mga salida ni Dolphy. Tungod usab tingali kini sa panahon. Di na kaayo ako malingaw sa kang Vic nga mga salida kay nahimo naman gud kini ni sa mga sine ni Dolphy sa una. Bata pa usab ako sa panahon ni Dolphy mao nga sayon ra ako pakataw-on niadto.

Ang ka rival ni Dolphy sa sine niadto mao si Chiquito. Kon bayutbayot ug sayaw ang strength sa mga portrayal ni Dolphy, martial arts action ug gubaguba sa nawong maoy puhonan ni Chiquito sa pelikula. Sayosayo lang namatay si Chiquito.

Lakip sa mga sidekick, competition og pretenders ni Dolphy mao sila ni Bayani Casimero, Aping Daldal, Pogo, Togo (the comedy king prior Pidol), Cachupoy (my sister’s fave when she was a kid), Ramon Zamora (my personal fave), Bentot, Redord White ug si Rene Requistas. Si Requistas mao ang may susama kang Dolphy nga abilidad sa pakatawa. Lahi ra silag padagan apan parehas nga daling makapahimuot sa mananan-aw.

Dihng nag sitcom na si Dolphy, timailhan kini nga nagkakusog na ang gahum sa telbisyon. Ug tuod man ang TV na karon maoy ga unang source sa entertainment ug information, bahala nag katunga niani puros walay unod nga inamaw. Mao nga kon mangita kitag ikapuli sa lugar nga gibiyaan ni Dolphy sa TV nato siya makit-an. Murag wa na kitay laing ikapuli kon di si Bitoy a.k.a. Michael V (nga maoy dream interview namo sa lifestyle section).

Apan lagi wa man mahuman ang pagkasiaw ni Dolphy sa iyang pagkamaty. Unsaon pagkatapos niani nga nga ang takna sa iang kamatayon mao may nigawas sa swertres sa lotto. Ug uban sa paglugwa ning maong kombinasyon sa numero nahimugso ang daghang pangutana -luto ba diay ang lotto? Tinuod ba diay ang supernatural occurences? Kalag ba ni Dolphy ang mipagawas sa maon mga numero?

Ug by coincidence dihay sitcom si Bitoy nga “Pepito Manaloto” nga kabahin sa lotto.