Samtang nagkabuang si Obama sa iyang iyang diskurso nga nag awhag sa magbabalaud sa ilang nasud pagdawat sa iyang nagkadakung budget bisan pa man sa ilang higanting utang gikan sa China, mitaho ang Word Economic Forum (WEF) nga miasinso ang kahimtang sa Pilinas karon.
Ug sa way paglangan miangkon dayon og bahin ang Malacañang sa maong kalampusan nga nakuha sa nasud. Nagkanayon ang palasyo nga, “Since June of last year, our administration has been very active in showing the world that the Philippines is open for business; and thus it is good to see that our efforts have manifested themselves in these rankings.”
Ug samtang nagpinikpikay sa ilang mga kaugalingong abaga ang taga Malacañang didto sa Mexico may gapunting sa palasyo. Tungod sa kakuwang og excitement (pwera lang dimalas) sa umaabot nga grudge match ni Manny Pacquiao ug ni Juan Manuel Marquez tataw na lang ang mga nag apong sa ilang “world press tour” nangitag likoy nga balita. Ug tuod man gitagaan sila ni Pacman og ikasulat. Nagkanayon si Pacquiao nga modagan siya pagka vice president sunod eleksyon. Hugyaw.
Ug tungod maygibug-aton man ang ipanglituk ni Pacquiao nakahimo og mga bawud ang iyang pagsuguid sa iyang damgo ug tinguha sa iyang giplanuhang post-boxing life. Wa mataudtauri may nangayo dayon og panahum gikan sa Cemelec kon wa bay posibling kakulian ang panganduy nu Manny. Duna, matud pas Cemelec, tungod kay sa 2016 underage pa si Pacquiao alang sa pwesto nga iyang daganan. Mag 37 anyos pa si Pacquiao inig abot sa maong tuig ug mao nga dili pa siya eligible kay 40 anyos ang gikinahnglan sa mo kandidato ning maong pwesto.
Kanunay mang gud nga ga galgal ang mga foreign writers nga mahimong mo-presidente si Pacman sa atong nasud tungod kay mahiusa man niya ang tanan matag away niya sa ring ug maong naabri ang mga mata niini sa maong posibilidad. Pun-an pa nga mga politiko ang kanunay nga nag alirong kaniya.
Kon mahimong trend ang namatikdang pag asinso sa Pilipinas sa WEF, hamugaway na unya ang presidency ni Pacman.
Sa pagkakaron, matud pa sa WEF, misaka og napulo ka puntos ang Pinas sa sukod sa gi-ingon niining “global competitiveness.” Kay gikan sa ika 85 ika 75 naman kuno kita karon sa 145 ka nasud nga ilang gi-survey. Lig-on, matud pa ning maong ahensya, ang atong sulod nga negosyo (macroeconomics).
Ug samtang mikuyos ang credit rating sa America misaka ang sa Pilipinas. Tungod kini kay daghan na ktag local suppliers ug sa pagkontrol nato sa atong inflation.
Ug kon puhon ma presidente na si Pacquiao maayo untag ma reverse niya ang mga bati nga trend diin nangamote ang Pinas sama sa pagwagtang sa corruption, sa pagpalig-on sa mga infrastructure ug sa pgahatag og quality education.
Hinuon unahon pa man kuno ni Pacman pagkuha ang position sa pagka gobernador sa Sarangani, una siya mo-bise nga mao unyay iyang panukaran sa iyang damgo nga mag presidente. Hinuon sa di pa ang tanan iya unang atubangon si Marquez.