Close  
  • share this

Piety (an online photo contest)

/ 06:37 AM January 11, 2014

Nyor Gamay (NG): Nyor, unsa man na ang “Piety?”

Nyor Daku (ND): Murag ang binisaya ana, debusyon, usa ka matinud-anon nga pagsunod sa imong pagtuo. Nganong nangutana man ka Nyor?

ADVERTISEMENT

NG: Duna man guy online photo contest nga “Piety” ang title. Unya ang theme kuno kay “What is the meaning of religion to a photographer?” Maayo kahang mo-intra ta ani Nyor?

ND: Pilay premyo?

FEATURED STORIES

NG: 5,000 ang first prize. 3,000 ang second ug 2,000 ang third. Duna kunoy duha ka consolation prizes nga tag 500.

ND: Ka gamay. Mura ra nag “sure tres” sa mga photo contest. Mas gamay pa gyud.

NG: Dagku lagig premyo ang uban unya mahal man sag registration fee unya daghan sad kaayo ang mangintra. Maayo lagig mayng laki ta. Taghap-taghap ra gud ning ato.

ND: pila man diay registration fee aning “piety?”

NG: zero.

ND: zero?

NG: Walay bayad. Primero mo apil lang kas Facebook group nga Monochrome Magick.

ADVERTISEMENT

ND: Pilay bayad pagpa member aning Monochrome Magick?

NG: Wa sad.

ND: Ha? Unsa man diay ning Monochrome Magick?

NG: Pundok sa mga maniniyut o photographers nga way lingaw nga mag sigig pahambugay sa ilang mga nindut nga black and white o monochrome nga mga kuha.

ND: Asa man silag i-premyo?

NG: Duna may mga sponsors og donors sama sa Macy’s Camera Shop, Classical Geometry, EaS Architects, Total, Qube Gallery, Handuraw, Hale Manna Beach Resort and Coastal Gardens, Tabor Hill College-OAD, Exposé Hairstyling ug uban pa. Duna say pipila ka mga individual nga mihatag apan dili gusto magpa-ila.

ND: Mao ba? Kanus-a man magsugod ning “Piety” photo contest?

NG: Gasugod na. Ang deadline karon nang Enero 19.

ND: Unsaon nato pagsalmot?

NG: Kon member na ka sa Monochrome Magick, i-email lang ang imong black and white o monochrome nga 8×12 entry nga dunay 300 dpi ngadto sa leepetros@yahoo.com. Kutob lang sa duha ka entry ang masalmot sa mga myembro.

ND: Unsa may petsa sa pagkuha nimog hulagway? Kinahanglan karong tuiga?

NG: Sa akong nabasahan Nyor, pwede ang karaan nimong photo basta wa lang ni makadaug og major prize sa ubang contest. Sa ato pa, moduwat ra ni sila og stock photo.

ND: Mao ba? Ang lugar diin nimo gikuha ang hulagway, kinahanglan nga sa Cebu gyud?

NG: Dili Nyor. Bisag asang dapit sa kalibutan mahimo mong kuhaon ang maong hulagway. Basak San Nicolas man o Oslo, Norway.

ND: Bisag unsang camera gamiton, pwede ra?

NG: Sa akong nabasahan pwede tanan –cell phone camera, film camera, DSLR, mirrorless, pinhole ug uban pa.

ND: Kanus-a man ni magdaug?

NG: Karong petsa 26 ang awarding, adto sa taas sa Handuraw sa Lahug. Ang ako lang gikalibgan kon unsaun pag picture na ang “Piety.”

ND: Ayaw na lang pag shoot sa parade, Nyor. Siguro-a na lang ang procession

NG: Aw o tuod no. Pero unsaun naman lang nato ang Sinulog Queen?

ND: Ipanghambog na lang sa Facebook imong Sinulog Queen.

Read Next
Don't miss out on the latest news and information.
View comments

Subscribe to INQUIRER PLUS to get access to The Philippine Daily Inquirer & other 70+ titles, share up to 5 gadgets, listen to the news, download as early as 4am & share articles on social media. Call 896 6000.

TAGS: opinion
For feedback, complaints, or inquiries, contact us.



© Copyright 1997-2018 INQUIRER.net | All Rights Reserved

We use cookies to ensure you get the best experience on our website. By continuing, you are agreeing to our use of cookies. To find out more, please click this link.