Mura na ta anig gubaong plaka nga ga-balikbalik sa atong paghisgot sa mga kausabang nadala ning mga cellphone.
Niadto sa nag-tungha pa ko, dili ka makapangandoy og TV ug telepono kun wala kay panimalay. Karon mahimo na nga iluklok sa bulsa ang TV ug telepono.
Ang wristwatch o relo de pulso nahulog na lang og ornamental kay ang functionality niani gikaon na man sa cell phone. Niadtong mga duha ka dekadang milabay, kun maghimo kag documentation, posibleng dunay film camera imong bag ug nga duna usab kiniy mini dv nga camera, beeper og notebook (diin isuwat mo ang imong nakuhang impormasyon). Kining tanan gilamoy na karon sa phablet (o phone-tablet).
Nganong gahisgot man kitag cellphone ning umaabot nga bag-ong tuig? Tungod kay ting party karong panahona ug mipagawas na ang Nokia og teknolohiya nga maoy mo-itsa pwera sa mga party ug events photographer sa umaabot nga mga tuig. Padung pa mo mature kining maong technology pero kun mogukod na niani ang Sony ug Samsung di na madugay ang tanang taga-opisina duna na unya niani.
Tungod kay average ra man ako nga maniniyot ug wala akoy marketing skills, wala gyud ko magmalampuson nga commercial photographer. Kun duna man ganiy mo-hire nako, grabe ang hinangyoay. Sa sunod nga mga tuig murag wala na tingaliy mokuha nako pagka-party photographer. Ug kadtong mga ilado murag mo-minus na usab ilang cliente. Murag masikhan sab niani ang mga speculator.
Ang Nokia, pinaagi sa ilang windows phablet nga 1520 mipagawas pagbalik sa ilang “pure view camera technology,” nga karon galakip nag image stabilizer, autofocus, zoom, raw capture ug 20MP nga sensor. Tinuod dili pa kini makalupig sa DSLR. Pero nindut na ang kuha niaani nga mga detalye nga mahimo nga dili na magitag DSLR ang mag party labi na kay sa Facebook ug ubang site ra sa Internet tan-awn ang maong mga party pictures. Kadto na lang unyang mga dagko kaayo nga party ang mo-hire og photographers pero murag pang-status symbol na lang kini kay kun moprinta ka lag 5×7 nindot na man ang kuha sa “pure view tech” sa Nokia. Murag maapil sab tingalig ka-wingig niani ang party videographers kay maayo man usab kaayo ang video capture niani.
Murag dili pa maka-cover og wedding ceremony kining mga bag-ong Nokia but then again bag-o pang gasugod kining maong teknolohiya.
Tingali pipila ka tuig gikan karon ang mga maniniyot sa simbahan ug parks mo-diretso nag upload sa imong pictures sa Facebook ug sa lain ba hinuong Internet site inig human nimog bayad nila.