#BangonTapulan (Ang T-shirt ni Aldo)

Ang t-shirt usa ka common commodity sa atong community. Wala man tingali usa kanato nga walay t-shirt. Mao nga kun creative kag pang-hunahuna, at one time or another, naka-hunahuna ka gyud og design nga imong ipatik niani.

Sa akong overstaying years sa college nakapapatik kog duha. Usa niani gilakrahan kog “Caloy E. In Town Coup.” (Panahon kini sa coup d’etat-riddled Cory days.) Dunay pipila ka ngisi nga misugat sa maong lakra. Ang ikaduha kong gipatik mao ang “I can’t pronounce her name.” (Resulta nis pinaminaw sa mga tripping ni Sawi Fox kabahin sa muse worship/muse poetry.) Kasagaran sa akong kaila nga masugatan, motan-aw sa luyo ning maong t-shirt kay gatuo sila nga tua didto napatik ang ngan nga di nako ma-pronounce.

Dihang mipuyo si Budoy sa amo-a, nagprinta siyag duha ka design sa t-shirt nga base sa mga album cover: Ang pina-Aztec pattern sa Red Hot Chili Peppers ug kadtong Smiley nga nanghiwis dila sa Nirvana. Nipalit ug nisul-ob ang akong amahan sa Red Hot Chilli Peppers nga design.

Karong tuiga, ang labing “hip” nga t-shirt mao ang “#BangonTapulan” ni Aldo Banaynal. Murag lisud na ni lupigon sa iyang pagka-current, relevant, humorous ug pagka opinionated. Murag hesitant si Aldo mo-commercialize ning maong T-shirt og slogan pero kinahanglan nga iya na kining himoon. Una kay ang iyang kalamposan niini mahimong kadaugan sa small entrepreneurs. Ikaduha, usa kini ka pag-test sa Facebook isip marketing tool. Kun mahinumduman, ginadili kini sa Friendster niadto. Ug tungod niani nahimo kining strength sa Multiply. Wala pa gyud ma-establish ang merchandising prowess sa FB. Mahimong pilot product sa atoa kining maong t-shirt.

Murag dunay tulo ka level ang appeal ning maong slogan. Usa niani mao nga mabasa kini isip indictment ug pangasaba sa national government. Mahimong divided ang opinion sa mga tawo kabahin niani. Ang level niani mao ang matawag ta nga self-deprecating humor o bugalbugal sa kaugalingon, nga mahimo usab nga hagit sa kaugalingon pagbangon. Ang ikatulo ug pinakagaan nga level mao ang pag-interpret sa pulong nga “tapulan” isip term of endearment, sama sa “ga,” “yadz,” “dong” ug uban pa.

Asa man kita kakuha ning maong T-shirt? Mahimong samukon mo si Aldo sa iyang gitrabahoan. Apan para mas sigurado, Facebook na lang agi. Ga-plano sab ko mokuhag usa.

Folksy kaayo ang humor ning maong slogan nga makahinumdom kos pasiaw sa radio niadto nga –“Mata na day, kay mangatog na ta.”