Love set, upset

Kon motan-aw ka sa mga news services sa internet nga dili kaayo political ang padagan, duha ka hitabo ang ila karong gikagubtan: Tennis ug gay marriage.

Tungod niani murag ningisi tingali ang akong higalang designer sa Ramos kay kini mang duha ka butang nga intersado kaayo siya.

Karon ang semana nga ang mga homophobic panington og bugnaw og mogilok ang tingkoy kay gitangtang na sa Supreme Court sa America ang mga posibling interpretasyon sa balaud nga mahimong mo babag mahimong kaminyuon sa lalake ug lalake o kaha babaye sa babaye.

Maingon tang na upset ang mga rightest ug conservatives ninai.

Gani nanghambog na si Obama (ang presidente sa America) nga sa iya lang administrasyon kini nahitabo. Ug sa pag bisita karon niya sa mga pipila ka nasud sa Arica iyang gi-ahag sila nga dawaton na ang kondisyon sa mga bayot. Tungod sa hudyaka nga nahitabo human sa maong disisyon sa Supreme Court sa America nakalimtan na lang gud ang confidential information-leaker nga si Snowden.

Ang termino nga “Love Set” gamiton sa tennis kon ma-zero-han ang kontra.

Ang tennis nga tournament karon maon ang sa Wimbledon, diin grass court ang pauntulan sa bola.

Mas lisud kuno kini duwaan kay mausab ang tuyok sa bola ug mas dali madakdak ang mga manunuwa.

Daghan kaayo ang side stories ang CNN kbahin ning torniyo karon sa Wimbeldon. Usa niani mao ang us aka Haponesa sa pangidarong 42 anyos, mao nay pinaka edaran nga manunuwa sa tennis sa mga major tournaments.

Si Kimiko Date-Krumm milusot sa iyang unang duwa hinungdan nga iya na karong ikasangka ang gaunang manunuwa sa women’s tennis nga si Serena Williams. Nakahibawo si Date-Krumm sa kamamngtas ni Serenna apan alang kaniya anagy kining ikalipay nga sa iyang pngidaron makaduwa pa siya og tennis batok sa number one samtang ang uban niyang ka edad dugay na nga nang resign.

Pero paminaw ko ang higalang si Boy Toting nga iyang pagka batan-on miduwag tennis para sa Atlas Mining Cororation dili manumbaling ning nakab-ot ni Date-Krumm kay alang kaniya, ug sa mga bagang panon sa mga kalalakin-an, nindut lang ang tennis kon naa si Maria Sharapova.

Inig ka eliminate ni Sharapova, mahuman na ang tounanment para ni Boy T.