Ang akasya ug ang dakit
Dakit: Day, duna man kuno kay white lady.
Akasya: Ay, tuo ka man anang mga pamantalaan karon. Gusto lang magpaukyab. Bisag unsa na lay ipatik.
Dakit: Di diay tinuod day? Pero nganong natabi man na? Di ba when there’s smoke there’s fire?
Akasya: Unsa man na? Palina? May mag ang Manga ta kay palinaan para mamunga. Unsay buot ipasabot nila? Nga dunay white lady nga naibog sa driver nga gamaneho sa 13-C nga jeepney ug nga gitumba ning maong white lady ang akong kahoy para makuha niya ang iyang target?
Dakit: Haha. Bitaw day no. Morag London Bridge is falling down/ my fair lady. Binali lang.
Akasya: In the first place, nganong manginahanglan man kog white lady nga kagwapa nako. Wa ko manginahanglan og white lady para mangdani.
Dakit: In fairness, power kaayo imong beauty. Daghan kaayong mopasilong kung heavy rain ug mopalandung kun init na kaayo. Rich kaayo ang body sa imong hair. Asa man ka pakorte? Kang Wendy?
Akasya: Dili Wendy day, windy! Ang hangin ray mokorte sa akong mga dahon.
Dakit: Bitaw day, no? Nature kaayo. Taga diin diay imong beauty day?
Akasya: Daghang gaingon nga Africa ni gikan among beauty day. Apan duna say moingon nga naa sad mis America ug Australia diin Wattle kunoy ilang tawag namo. Basig Wattle ko day kay kining mga Akasya sa Pilipinas gida man kuno nis mga Kano.
Dakit: Pagka laing paminawon anang Wattle uy. Mura man nag duwaan sa bata. Laysho ra ang Akasya kay morag teleserye paminawon.
Akasya. Mao ba day? Ikaw day taga diin sad nang imong beauty?
Dakit: India lang intawon. Pero gianggaan kos mga Afam og Banyan.
Akasya: Mas laysho! Exotic! Mao diay nga daw gaginaksanay kanunay ang imong mga lawas—Kama Sutra! Time pa day di ba istariray man sad ka adtong istorya ni Maria Cacao?
Dakit: Ay kadto man tong anak sa Katsila nga in-love adtong morag hitsurag scuba diver. Didto sila manago sa akong kahoy sa Argao. Da, kining mga tawo, dali makilig aning unrequited love maong gihimong legend. May na lang kay love story ang akong drama diri. Sa Luzon intawon, gitagaan sab ko nilag white lady. Kini gung mga tawo magpunay og hangad-hangad nato nga maglakaw unya kun mapandol ug masukamod, moingon dayog gitukmod sa dili ingon nila.
Akasya: Korek ka dyan!
Dakit: Unya unsa na man ni day nga ila man kuno tang pamutlon kun naa ta duol sa dan?
Akasya: Liki nila! Hala ipaputol nilag hurot para mauga nang ilang yuta ug mangliki ilang mga dan unya inig buhagay sa buhawi mangaanod na silas landslide!
Dakit: No? Ana lang.
