Mike woos and wins

Nyor Dako (ND): Minghoy man Nyor. Duyog kas ka pildihang Tomas?
Nyor Gamay (NG): Bitaw Nyor, kinsa guy nagdahum. Mas daghan pa gud nga building nga dunay Type O banner kay sa 7-11 nga mga tindahan.
ND: OK ra man Nyor, kay sa Type O man ang duha ka representante ug murag 12 ngadto sa 13 kasakop sa konseho ilaha man. So, wa ma pildi ang BO-PK.
NG: Unya nganong naparot mas Tomas.
ND: Mao nay hinganlan Nyor og Communication Breakdown vs Let’s Dance.
NG: Unsa may labot sa Led Zep ug ni David Bowie ani Nyor?
ND: Si Tomas mao ang great communicator. Gamug-ot tuod ang nawong ana pero inig abri sa iyang baba mahingangha ka gyud ug magpunay ka na lag tando. Di parihang Mike dugay kaayo makaigo sa iyang ipasabot.
NG: Unya ngano man laging napildi man intawon siya?
ND: Tungod kay nabahaw na ang message sa great communicator. Gapunay na siyag yamyam anang –investment, investment, investment. Katunga sa mga batan-on wa kasabot kon unsa nang investment ug investor. Ang mga nakasabot gilaay na niani. Kapila naman ni niya hisguti ning investment unya wa may asinso ang kinabuhi sa kinabag-an. Mao nga bisag pila pa ka trilyon ang investment ang i-yamyam ni Tomas mosulod lang kini sa dunggan sa mga batan-on og molapus sa pikas. Feel nila nga wa silay labot niani. Unya nias Mike nga layo pa gapahiyum na unya inig abot moingog “Let’s Dance” dayon pakpak, bilangkad, sayaw. Murag niingon ang mga tao Nyor og –Hala Tomas usapa nang imong investment diha kay manayaw sa mi. Mubo rang kinabuhi maong maglipaylipay sa mi mintras gaginhawa pa. Gikapoy namig pinaminaw anang imong mga investor ug investments.
NG: Ataya gud nyor. Mao ra ni hinungdan kon nganong napildis Tomas?
ND: Duna say scholarship factor. Dunay estudyanting babaye nga akong gipangutana kon kinsay kusog sa pagka mayor sa ilaha. Miingon siya nga Type O ilang barangay hall pero sa ilang balay Rama ang tanan kay silang mga managsuon iskalar mang Rama. Diha say watcher ni Rama nga nalipay nga nilusot si Bebot Abellanosa nga si Batuhan man untay manok ni Rama. Mipasabot kanamo ang watcher nga nalipay siya kay iskalar man siya ni Bebot.
NG: So the more scholars the more chances of winning?
ND: Correct. Unya kon gikuha ni Rama ang mga batan-on pinaagi sa sayaw gikuha usab niya ang mga sinyor pinaagi sa kanta. Kanunay niyang giharanahan ug gitagaag pahalipay ang mga senior citizens. Nyor, napildi si Tomas nga mas bright pa kaayo ni Rama tungod kay nakalimut siya sa usa ka subject sa elememntary.
NG: Unsa man intawon na nga subject, Nyor?
ND: Good Manners and Right Conduct. Kay matud pas usa ka babaye sa Facebook: Mobutar kong Rama kay di ko ganahan og tiguwang nga pala away.