Ang paypay ug si sir chief

Ning panahon sa ting-init nanginahanglan kitag papay. Aircon ang mga malls ug may electric fan sa mga balay. Apan usahay ang hangin gikan sa electric fan init. Usahay mas maayo nalang ipasilong sa kahoy (pili-a lang sad ang way til-as) ug mamaypay.

Gawas sa pagpabugnaw sa atong panit gigamit usab ang paypay pagbugaw sa langaw (sama sa paspas) pagpabaga sa uling (sama panayhup).

Nkahibawo tingali sa kabililhun sa paypay ang mga buot mo dani. Ang GMA-7 pananglitan kusog kaayo manghatag og paypay nga malukotlukot matag nila promote og teleserye.

Ang atong higala nga si Gerry Carillo nga karon midagan pagbalik pagka konsehal sa south destrict ning dakbayan gihimuan og papay sa Type O.

Si Carillo nga gi-ingong usa sa mga bright boys sa konseho niadto mi-lie low pagkhuman sa iyang termino ug karon lang mibalik sa politika.

Ang paypay nga gihimo para kaniya usa ka spin off sa ABS CBN afternnon program nga “Be Careful with My Heart.”

Ning maong paypay mihulagway sa mga artista nga Jodi Santamaria ug Richard Yap pero gipulihan ang nawong ni Yap sa nawong ni Carillo. Hinuon grabi pagka photoshop ang nawong ni Carillo nga murag maglisud na kita pag-ila niini. Tupad sa iyang nawong mao ang mga pulong nga “Sir Chief,” maoy i-tawag sa character ni Santamaria sa character ni Yap, nga nahimo na nga catch phrase sa maong programa.

Napatik usab sa maong paypay kining mang mga text: “Showing @ the polling place near you. May 13, 2013. Type O PRODUCTION presents I’ll Be Careful with your Vote Gerry Carillo Cast: Osmeña/Young/Abellansa //Leyson/Pe/Gabuya//Cabarubias/Osmeña/Carillo/Osmeña/Amores.

Gituyo ang arrangement sa mga ngan sa kandidato sa konseho para sa quick recall. Kon makabantay mo dunay LPG ug COCOA. Ambot kon may connection ba kini sa paypay ni Carllo.

Ang Be Carefful with My Heart mo allude sa mga pelikulang “The King and I,” “Sound of Music” ug “Wanted Perfect Mother” nga gipangunahan ni Regine Velasquez ug Christopher de Leon.

Ang tawag sa paypay sa ancient China mao ang “pien mien” nga ang buot ipasabot mao ang pagkutaw sa hangin o “stirring the wind.”

Tingali buot kutawon sa Type O ang mga mamumutar pinaagi ning maong paypay.