Ang babaye nga nipaluhod ni Lennon
Nyor Gamay (NG): Hello DJ…
DJ Mbenga (DJ): Hello, Nyor Gamay.
Unsay ato? Unsay atong request?
NG: Sa di pa ko mo-request, DJ, duna sa koy trivia quiz nimo.
DJ: Ha? Ang caller na diay roy mo-quiz sa DJ? Ha, turning the tables ha.
NG: Sige lang, DJ, kay wa naman roy turntables ning panahon sa MP3, ingnon ta na lang nga “returning the favor.”
DJ: Unsaon man nako pagbalibad nimo Nyor?
NG: Ayaw na lag balibad.
DJ: Ana. Hala, wa na man tay mahimo, i-shoot na nang imong trivia question.
NG: Ayawg kabalaka, DJ, kay may kalabutan gihapon kini sa pop music.
DJ: Dali, kay nabalaka na nuon ko da.
NG: Paminawag maayo ning akong pangutana ha. Kinsang bayhana ang nipaluhod ni John Lennon?
DJ: Dili pud si Yoko Ono?
NG: Sakto ka Nyor, dili si Yoko Ono.
DJ: Si Cynthia nga iyang unang asawa.
NG: Wrong number.
DJ: Ang iyang mama nga si Julia.
NG: No puwede, sir.
DJ: Time pa. Morag mahiligon man gyud to si Lennon og oriental women. Ah si May Pang, ang iyang secretary.
NG: So close. So near and yet so far ang imong tubag, DJ.
DJ: Sirit ko Nyor uy. Di baya mi barkadang John. Kinsa kaha tong bayhana nga iyang giludhan sa atubangan. Unsa man tong bayhana Nyor, Koreana?
NG: Gihinganlan siyag Freda Kelly. Siya ang secretary sa Beatles.
DJ: Karon pa ko anang istoryaha Nyor da. Ug nganong miluhod man sab si Lennon sa iyang atubangan?
NG: Na-late pag-report kining si Freda kay nakig-inom kini sa mga sakop sa banda nga maoy opening act sa Beatles. Gitangtang siya ni Lennon sa iyang trabaho. Apan nakombinsi niya si Lennon nga moluhud ug mopugong kaniya sa pagbiya. Ug tingali game ra pud si Lennon ug miluhod kini ug mihangyo kang Freda nga magpabiling secretary.
DJ: Kuyawa mora diay og si Erap nga bisag presidente na nagpasugo pa gyud sa iyang mga kasugal pagtimpla og kape. Pero diin man sad ka makabasa ning maong istorya, Nyor?
NG: Sa Yahoo ra Nyor. Duna man guy documentary kabahin sa kinabuhi aning Freda agig pagka-secretary niya sa Beatles. Siya usab diay president sa ilang fans club. Siyay mopadala sa mga buhok sa Beatles nga nangatagak pagkorte ngadto sa mga fans. Unya diha say mopadala og chewing gum nga ipausab sa Beatles ug inig luwa na nila niani kolektahon kini ni Freda og ipadalag balik ngadto sa mga fans nga nagpadala niani.
DJ: Medyo kinky diay ang mga fans sa una Nyor.
NG: O. Ug si Fredda ang saksi ning tanan. Dose siya ka tuig nga secretary sa Beatles ug gani nagpabilin siyang secretary human sila nagbuwag. Ug kay siya may secretary sa grupo iyang gihakot ang tanang salin sa Beatles apan wala kini niya gibaligya. Gihinayhinay niya kinig panghatag sa mga fans hangtud nga nahurot. “Daisy” pa siya pagsugod niyag trabaho, 17. Karon kapin na siya sa 60. Mao nga agig pahinungod niadtong bahin sa iyang kinabuhi diin miluhod si John Lennon kaniya mo-request unta ko sa kanta nga “A Day in the Life.”
DJ: Morag wrong choice of song ka, Nyor. Mo-suggest ko nga “Woman” lang ni John Lennon ang atong patukaroon.
NG: Okay, DJ. Woman, alang sa tanang sexy tarry sa tibuok kalibutan.
(Woman/ John Lennon)
Woman I can hardly express/My mixed emotions at my thoughtlessness/After all I’m forever in your debt/And woman I will try to express/My inner feelings and thankfulness/For showing me the meaning of success/Ooh, well, well/Doo, doo, doo, doo, doo(2x)
Woman I know you understand/The little child inside of the man/Please remember my life is in your hands/And woman hold me close to your heart/However distant don’t keep us apart/After all it is written in the stars/Ooh, well, well/Doo, doo, doo, doo, doo (2x)/
Well/Woman please let me explain/I never meant to cause you sorrow or pain/So let me tell you again and again and again/I love you, yeah, yeah/Now and forever(3x)
