‘Like a Hurricane’
Nyor Gamay (NG): Hello DJ.
DJ Mbenga (DM): O, hello Nyor Gamay.
NG: Naa unta koy ipangutana nimo, DJ.
DJ: Di diay ka mo-request, mangutana ra diay ka?
NG: Mo-request ko unya pero mangutana sa ko.
DJ: Okay, shoot. Pero di ko mopasalig nga makatubag ko ha.
Article continues after this advertisementNG: Kaya ra kaayo nimo ni DJ.
Article continues after this advertisementDJ: Kayamukat. Sige.
NG: Unsa may kalahian sa hurricane ug typhoon?
DJ: Parehas ra na sila Nyor. Unos o storm ang generic ana nila. Kon sa America o Europe kini manghasi, hurricane ang tawag niani. Kon ari sa Pilipinas, China ug Japan, typhoon ang itawag niani. Ang lain ra nga kalahian nila mao ang pagtuyok sa hangin. Clockwise ang tuyok sa hurricane ug counterclockwise ang tuyok sa typhoon.
NG: Asa may mas kusgan nila DJ?
DJ: Parehas ra, Nyor. Kay ang categories para sa hurricane nga gihatag sa Saffir-Simpson Hurricane Wind Scale mao ra man say gigamit sa pagsukod sa typhoon o bagyo. Mas daghan hinuong typhoon nga motumaw sa usa ka tuig kon itandi mo sa mga motumaw nga hurricane. Tungod kini kay mas init ang tubig sa dagat sa atong lugar. May kalabutan man gud ang temperatura sa dagat ang pagbutho ning maong mga unos. Mao nga gibasol karon ang global warming sa pagdaghan ning maong mga unos.
NG: Unsa man sad ning Cyclone?
DJ: Mao kana ang tawag sa typhoon sa ubos nga bahin sa Pacific Ocean ug ang kasagarang makatagamtam niani mao ang mga nasud sa Australia, India, Bangladesh, Myanmar ug pipila ka lugar sa Middle East. Sa North America dunay mogamit sa pulong nga cyclone para sa tornado.
NG: Unsa kakusog man ni si Bagyong Pablo, DJ?
DJ: Kaduhaon o malagmit pa ganing katuluon niani ang kakusog ni Bagyong Sendong.
NG: Maigo ba ang Cebu, DJ?
DJ: O, Nyor. Di gyud ta kalikay kay tunga man siya moagi. Sa unang taho ang amihang bahin maoy maigo pero sa katapusan nakong tan-aw sa Internet mura naman sad og ang tiilang bahin sa atong lalawigan ang maligsan.
NG: Unsa may ikasulti nimo ning mga kontra sa Katoliko nga miingong kastigo kuno ni alang kanato kay misaulog ta sa pagkasanto ni Pedro Calungsod?
DJ: Pasayloa lang nang mga tawo nga wa kasabot sa ilang gipangyawit.
NG: Murag gikuyawan ko ani DJ da. Mo-request na lang kog “Like a Hurricane” ni Neil Young.
DJ: Pero pasumbingay ra man kining maong kanta sa usa ka binuhat nga naamang sa kaanyag sa iyang gikaatubang sa bar. Dili man ni kabahig bagyo.
NG: Pero daw susama niani ang akong gibati–di nako malitok ang akong kahadlok ning maong bagyo.
DJ: A, sige. Nia ang “like a Hurricane” ni Neil Young:
Once I thought I saw you/in a crowded hazy bar/Dancing on the light/from star to star/Far across the moonbeam/I know that’s who you are/I saw your brown eyes/turning once to fire.
CHORUS: You are like a hurricane/There’s calm in your eye/And I’m gettin’ blown away/To somewhere safer/where the feeling stays/I want to love you but/I’m getting blown away.
I am just a dreamer/but you are just a dream/You could have been/anyone to me/Before that moment/you touched my lips/That perfect feeling/when time just slips/Away between us/on our foggy trip.
(Repeat CHORUS)
You are just a dreamer/and I am just a dream/You could have been/anyone to me/Before that moment/you touched my lips/That perfect feeling/when time just slips/Away between us/on our foggy trip.
(Repeat CHORUS)
