Around the world in Salins Hulbot
Great Britain. English Culture is World Culture. Or at least popular world culture. Ug gipamatud-an na usab kinis taga Englatiera sa ilang pasirang pasundayag sa pagtapos sa 2012 Olympics.
Kon Shakespeare, Beatles (via Paul McCartney), Mr. Bean, Queen Elizabeth ug James Bond ang bida sa pagabli sa London Olympics sa pagtapos naini gipatong nila sa entablado ang Monty Python (via Eric Idle), The Who, The Queen w/ Jessie J, George Michael, Annie Lennox, Pet Shop Boys, Fat Boy Slim ug ang Spice Girls.
Unsa may maka lig-on ning kultura sa England? Music. Humor. Irony. Open arguments. Sama pananglit sa pag paapil nila sa mga fashion models ning maong closing ceremony. Insulto kuno, matud pas mga ni tweet, nga papasuhon kining mga anorexic nga babae nga dunay mga record drug problem ning event diin ang kabaskog sa lawas maoy gisaulog. Pero that’s Great Britain for you. This is what makes Britain Great -ang ilang pagsaulog sa kinabuhi nga way pagpamilok, ang ilang pagdawat og lalis. Pormal ang mga tao dinhi apan kon tan-awon mo ang ilang parliament di magdungog kay silang tanan magdungan og singgit. Apan bisan asa man niani magkasibaot gihapon kining mga tao sa nasud nga wa manginahanglan og constitution.
* * *
United States of America. Nakuha sa Team USA ang bulawang medalya sa basketball sa London Olympics apan alang sa mga basketball fanatics nga Pinoy dili kini ang mao ang dakong balita.
Una, tungod kay bisag maayo ang pagduwa sa Espana (nga duna say sa mga NBA players) murag modaug gyud ang ang Team USA tungod kay puros NBA player ang sakop niani ug nga sa ingon maka tuyok ang line-up ug pildihon ang tanang kontra niani sa lahutay.
Ikaduha, dunay mas dakong balita didto sa California. Moduwa na sa Los Angeles Lakers ang center sa Orlando Magic nga si Dwight Howard. Si Howard nga maoy giingong best center karon sa NBA kuyogan ni Kobe Bryant, Pau Gasol (nga maoy haligi sa Spanish team), Meta World Peace ug ni Steve Nash sa usa ka team nga mahimo na nga moligis sa Oklahoma City Thunder ug mobuntog s Miami Heat nga maoy defending champion.
Pag sul-ob ni Howard sa uniform sa Lakers (purple and gold) milupad sa Oktubre ang hunahuna sa basketball fans.
* * *
Japan. Kon mitambay kas Ayala adtong miaging semana daghan kang makatunan sa sa Japanese culture. Diha kadtoy mga higanting tambol sa “Wakodaiko,” dihay eksibisyon sa “karate,” dihay mga sayaw Hinapon, J-pop song contest, cosplay ug “eiga sai” o film festival.
Sa 10 ka salida upat ray akong nakit-an. Daw daghan ra kaayo ang napulo ka peikula ug nga tungod kay walay gibalik daghan kan hinuong dili makit-an. Kay posible man nga duna kay laing gibuhat pagpasundayag sa pelikulang buot mo untang tan-awon. Wa ka nay chance nga makakita niani kay kausa ra man kni isalida. Ang ila pud nga pamaagi sa ticket nga ipanghatag ang ticket sa saida samtang may gipasalida nang lain makaminos sa imong purohan patan-aw sa sunod salid.
Maayo untag ilang minusan ang mga titles sa ilang ipasalida sunod tuig, puhon. Klaro usab nga mga organizer wala masuhito sa mga pelikula nga ilang gipasundayag. Abi kay animation man ang “Colorful” daghang gatuo nga pambata kini apan bug-at ra kaayo ang mga tema sa suicide, prostitution ug pangabit alang sa mga bata. Kita gong gi-spoon feed sa mga amerikano wa man kahibawo nga dunay such thing as adult animation.
* * *
Philippines. Kapadayon ang uwan ug malagmit mobaha na usab sa Manila.
Mihisgut na si PNoy nga maghimo ang gobyerno og dyke nga mokabat og 2.2 billion ug nga mahuman sulod sa tulo ka tuig. Maktabang kinig sumpu sa baha. Apan unsa may buhaton ta samtang gitukod pa kini? Murag midumdum na raba ang dagkong uwan kada tuig. Tingali manginahanglan kitag architectural shift -mga tag-as nga building nga walay sulod ang ground floor.
