Big helmet, small helmet
May kinutoban ba ang pagsulod sa kagamhanan sa kinabuhi sa tao? Sama pananglit sa pagmulta sa mga tao nga dili nga mag motorsiklo apan dili mag helmet. Tinuod para kinis kaayuhan sa mga tigmotor. Apan di ba may kagawasan man ang matag usa para mohukom sa ilang kaugalingon kon anagay ba nilang panalipdan ang ilang kaugalingon sa mag aksidente.
Nianing tungora malagmit moingon ang gobyerno nga -ayaw nalag palag diha kay para nis kaayuhan sa kadaghanan. Kon di ka gusto mag helmet ayaw pag drive og motor. O kon ganahan gyud nga mo drive og motor nga walay helmet adto tuyoktuyok sa usa ka pripadong compound. Kay kon moguwa ka man gani, sikop gyud ka.
Dinhing tungora mualma ang mga habalhabal driver kay sa publiko man gyud nga lugar sila mubiyahi kay lagi mangita man silag pasahero nga ihatud nila sa mga lugar diin walay laing sakyanang pang publiko ang maka abot. Ug nagkanayon ang maong ordinansa nga kinahanglang ila sang pasul-ubon og helmet ilang pasahero.
Ang lain nausab nga gi-intrahan karon sa gobyerno mao ang unsaon pagpadaku sa bata. Dunay multa nga 5 mil ang bisag kinsa nga mohapak og bata. Kon badlungon kaayo ang imong bata aw pangandam na lang nga mapriso ka dos syentos mil nga balor sa latus nga mhatag nimo niani. Maayo untag ang mga sakop sa konseho sa Sugbo maoy mangunay pag lusi sa bugan ning mga batang sungayan. Igo man lang sila manghudlat ug manghasi sa mga ginikanang nagkapuliki. Maayo ning mga bataa pasulubon og helmit haron way ebidinsyas dukol.
Karon ari kitas gamay nga helmet paras gamay nga ulo: condom. Apil sa papilian sa balota sa Eleksyon karong Nobembre sa Los Angeles, California mao kon uyon ba ang mga mamumutar nga manduan ang mga actor sa pelikulang porno nga magsul-ob og condom sa matag sexual nga eksina nila.
Kon mouyon ang mga mamumutar sa Los Angels ning maong sugyot mahimo nang rquirement sa pag issue og filming permit ang pag pagamit og condom sa mga artista.
Miangkon hinuon ang ilang pamunuan didto nga wa pa sila kahibawo kon unsaon pagpatuman kining maong ordinansa kon mahimo na kining balaud.
Matud pa sa usa ka spokeswoman sa Free Speech Coalition nga usa kini ka “government overreach.” Nagkanayon ang spokeswoman nga si Diane Duke sa the Times nga “It’s clearly the government interfering where it really doesn’t belong”.
Big helmet, small helmet -hangtud ass ba diay kutob ang pagsulod sa gobyerno sa atong kinabuhi?
