The Noble Scavenger Blues

Nyor Gamay (NG): Mabuhi ang tao bisag way wawarts Nyor?

Nyor Daku (ND): O. Kay papel bag sinsiyo atong gilamoy.

NG: Ayaw ganig pinilosopo Nyor.

ND: Bitaw, Nyor, Philisophical man gud kaayo nang imong pangutana maong wa ko ka pugong sa akong pagka pilosopo. Pero balikan tang imong pangutana. Mabuhi ba ang tao ko way kwarta. Ang tubag niana mag agad sa lugar, panahon ug panghunahuna. Kon nia kas dakbayan sa Sugbo Nyor, lisud.

NG: Lisud? Sa ato pa mahimo diay?

ND: O karon ikaw na say sag pinilosupo. Di ba naa may daghang scavenger sa dalang Colon nga wa magpakilimos. Sa ato pa walay live currency ang ilang kinabuhi. Kon nakakita kas pelikuang “The Gods must be Crazy,” makita mo kadtong tribu nga hunters ug food gatherers nga walay alamag sa komersyo apan hapsay raman ang dagan sa olang kinabuhi.

NG: O hangtud nahulogan ang ilang lugar og botilya sa Coke. Sa ato pa duna pay mga lugar diin mas sayon ang pagpuyo nga way kwarta apan may lugar nga lisud kaayo kining himuon. Unya unsa may buot mong ipasabot kabahin sa panahon?

ND: Wa pa may wawarts sa una Nyor. Group hunting ra man dayon sharing. Dayon grow your own. Dayon barter o exchange. Ug dihang ang maguuma walay camote nga ika baylo sa kuha sa mangingisda nangita silag sigay ug uban pang butang nga gitagaan og balor sa katilingban nga mahimong ikabaylo sa gusto nilang makuha.

NG: Ug sa panghunahuna?

ND: Nyor, nabuhi man ganing hayop nga wa kwarta, ang tao pa kaha. Ang hunahuna sa tao na program naman gud nga mamatay siyag way wawarts maong mag salimoang siya kon makabsan siya niani. Pero nganong nangutan man ka kabahin niani?

NG: Nakabasa man gud ko aning modern cave man sa Moab, Utah nga si Daniel Suelo. Wa na gyud si manggilabot talig kwarta. Manguykoy na lang siyag para makaon unya maligo sa suba nga way panabon. Iyang gi-maintain ang iyang blog pinaagi sa pag gamit sa libreng internet access sa usa ka public library. Natunga karon ang opinion kon buang ba kini siya o propita.

ND: O nakabasa na ko ani niya, Nyor. Dili kini siya original pero daw revolutionary lang kining iyang gihimo karon sa America diin ang kadaghanan naputos sa utang. Diah namay concept sa Noble Savage sa una. Sa Simbahang Katoliko diha namay mga ingon niani nga kalihukan sama sa kang St. Francis de Asisi. Ug karon lang bag-o diha namay Freecconomy Community ni Mark Boyle sa England. Siya mismo miingon man nga nakuha nita ang idea sa Hindu Sadhus sa India. Pero ang iyang unang isnpiration mao ang Sermon on the Mount ni Kristo. Ug sa wa pa ma bonyagi si Kristo gihimo na kini ni San Juan Bautista.

NG: Ang nakalahi lang niya Nyor kay kahibawo siya mo blog.

ND: Amen