Nabasahan nako sa Yahoo kagahapon nga duna diay mga tao nga blue og panit. Mao nga ga lista ako og pipila ka mga butang nga may kalabutan ning maong color.
1. Blue-Collar -mao kini ang termino sa America alang sa mga manual labor. Ang mga panday, janitor, basurero ug cargador gitawag nilag blue-collar workers. Ang white collar workers mao ang mga managers ug office workers.
2. Blue blood -ang tawag sa mga sakop sa royalty.
3. Blue baby -ang tawag sa batang gihimugso nga milagum kay naglisud og ginhawa tungod sa problema sa kasingkasing o baga.
4. Blue Note -usa ka pagkanta o pagtukar sa blues ug jazz diin ang usa ka nota gipatuyo og paubos kay sa iya untang tuno, usa kini ka performance stunt aron paghatag og artistic variation sa kanta.
5. Blue Monday -ang all-time best-selling 12-inch single sa British techno band nga New Order. Ang lyrics niani kabahin sa usa ka binuhat nga nawad-an nag pagbati. Ang typical interpretation ning popular nga termino ngapasabot lang sa kalaay sa pagbalik sa trabaho human sa ka hamugaway sa Domingo. Sa mga marinero, kini mao ang adlaw nga ang mga badlungon kanila pakanaugon sa barko.
6. Ang blue sa Philippine flag nagpasabot og kalinaw. Mao nga naa kini sa ibabaw sa puwa nga color. Kon bali ang pag-isa sa bandera diin ang blue na maoy nasa ubos ug ang puwa nay naa sa ibabaw nag pasabot kini nga nakig gubat ang atong nasud.
7.Blue Moon -mao ang ikaduhang takdul sulod sa usa ka buwan. Sama sa pakite nga 21 ka sigarilyo ang sulod, panagsa ra mahitabo ang blue moon. Kon ang hitabo giingon nga “once in a blue moon” nagpasabut nga panagsahon ra kini. Si Billie Holiday, si Elvis Presley ug ang new wave group nga Orange and Lemons dunay ilang mga version sa kanta nga “Blue Moon” nga gisuwat ni Richard Rodgers ug Lorenz Hart niadto pang 1934. Mao kini first stanza: “Blue moon/You saw me standing alone/Without a dream in my heart/Without a love on my own …”
8. “Blue Lagoon” -pelikula ni Brooke Shields nga daghang nanan-aw tugod kay gatapis ra siya. Teen ager pa si Shields ning maong pelikula.
9. “Blue Bayou” -hit song ni Linda Ronstadt sa wala pa siya mo experimento sa mga show tunes ug Latin songs.
10. Blue Planet -ang atong kalibutan. Tungod kay mas daghan man kini og tubig kay sa yuta. Ug kon tan-awon sa gawas blue man ang kolor sa atong mga dagkong kadagatan.
11. Blue noses -usa ka slang nga gihingan para sa mga mahiligon og porno.
12. Sa pelikulang Mask (dili ang Jim Carrey starrer) gipasabot sa depiktibo og hitsura nga character ni Eric Stoltz kang Laura Dern, nga midala sa papel sa usa ka buta nga daligita, ang color nga blue pinaagi pagpahikap niani og mga bugnaw nga butang sama ice ug tubig.
13. “Blues Clues” -usa ka sikat nga children show sa Nickelodeon (Nick Jr.) para sa mga pre-schoolers diin ang host nga ni resign kanunay nga gitungo sa mga rumors.
14. Blue ang mga binuhat sa pelikulang “Avatar.”
15. Blue People of Troublesome Creek -Usa ka libro kabahin sa pamilya Fugate sa bukid sa East Kentucky sa America sa early 1800s. Didto sila nanimuyo duol sa Troublesome Creek. Dunay usa ka Martin Fugate gikan sa France nga giingong blue og panit ang midagsa didto pagka 1820.
Naminyo siya ni Elizabeth Smith nga bisan sa puti niani nga pamanit duna sad diay genetic problem sa circulation sa iyang dugo. Sa pito nila ka anak upat ang may blue og pamanit. Ug tungod kay wa may train ug dakong dalan sa ilang lugar nag isig minyuay lang sila didto sa ilang mga kaparyentihan mao mikanap ang mga asul og panit sa maong lugar.
Giingon ng ang hinungdan niani usa ka genetic condition diin kon ang inahan ug amahan dunay problema sa pagdala sa oxygen ang ilang dugo malagmit nga magrabihan ang ilang anak ning maong problema diin ang kakuwang og oxygen (o ang dili pag oxygenize) sa dugo mohatag ning maong symptom—ang pagka blue sa panit. Tungod kay nakatag naman ang Blue People, gamay og pangitaon na kaayo duna ning maong symptoma.
Ang kadto kunong dali mo blue ang wait kon tugnawon o di ba hinuon mo blue ang mga kuko giingon nga duna nianing maong condisyon. Sa ato pa kon duma kamo nianing maong symptomas likayi ang pakigminyo sa may ingon nian nga reaction sa tugnaw kay basig blue skinned inyon anak. Hinuon mga tag-as man og kinabuhi ang mga blue-skinned people kay moabot man silag 80 ngadto sa 90 anyos. Sa 1975 ang last recorded nga blue-skinned baby sa Kentucky.