The P2-M zarzuela of Gloria Gladiator
Nyor Gamay (NG): Maayo kay na hospital arrest na gyus Gloria kay duna nay intermission ang zarzuela.
Nyor Daku (ND): Unsang Zarzuelaha ang imong giasabut, Nyor?
NG: Kani bang hatahatag larga sa mga Arroyo unya atang-atang sa gobyerno sa airport.
ND: Moro-moro tingali maayong itawag ani, Nyor.
NG: Parihas ra na, Nyor. Puros production number. Song and dance.
ND: Unsay may mga tokar, Nyor? Song and dance man kaha ni?
Article continues after this advertisementNG: Ang P2-million Boogie sa Supreme Court. Intawon sad, Nyor, uy. Kanang P2-milllion snacks ra man nas mga Arroyo.
Article continues after this advertisementND: Tinuod. Diha bitaw kadtoy panihapon sa America sa ilang pundok nga mikabat og pila ka milyon. Pero time pa, Nyor, na reverse man diay kuno TRO tungod kay ang P2 million ra nga bond maoy natuman sa Arroyo camp. Wa sila maka assign og legal representative nga modawat sa ilang mga subpoena ug mo-atiman sa ilang mga kalihukang legal kabahin sa mga sumbong batok kanila.
NG: Mao ba, Nyor. Nayabag na diay ning spokesman sa Supreme Court nga miingong nagpabilin ang Temporary Restraining Order nga mopaundang una sa ban sa mga Arroyo pag guwa sa nasud.
ND: Gani 7-6 man ang resulta sa botuhan nga mipatangtang sa gikaingong TRO matud pa niining Vera files (nga source sa Yahoo Philippines) . Ang pito nga miingong di na mapatuman ang TRO mao sila si Senior Justice Antonio Carpio, Associate Justices Maria Lourdes Sereno, Bienvenido Reyes, Estela Perlas-Bernabe, Jose Mendoza, Martin Villarama and Roberto Abad. Ug ang unom nga buot pa mopatuman niani galakip nila ni Chief Justice Renato Corona, Presbitero Velasco Jr., Arturo Brion, Diosdado Peralta, Lucas Bersamin and Jose Perez. Hinuon, karon nga duna nay kiha si Gloria, di naman gyud ni makalarga. Unya, Nyor, unsa man say sayaw sa mga Arroyo?
NG: Nakadungog ka adtong kanta ni Max Surban, Nyor, nga Ikidikid chacha? Mao na ilang gisayaw, Nyor. Kana bang pina kisikisi nga magpatagad. Ila man tong gituyo pag-agi diin daghang tao para ipakita nga nagkalisud intawon si Gloria paglihuk tungod sa iyang vest ug neck brace ug head band ug uban pang panagang. Pero bisag unsaon, Nyor, lisud man gyud kaluy-an si Gloria kay murag maru man gyud og nawong. Ang akong tan-aw niya, Nyor, di man masakiton. Mura mag gladiator.
ND: A grabiha sad nimo, Nyor, uy. Di diay ka moluoy sa iyang mga panagang sa lawas.
NG: Maka paduda man gud ang ilang pagdali. Murag eskapo man gyuy scenario. Unya drama ra kaayo. Nganong sa hagdan man siya nanaog pagabot sa airport nga diha man untay escalator.
ND: Pwerti gyud diay nimong tutok sa TV, Nyor, kay nabantayan pa man nimo ning escalator scene. Pero unsa man say gi-awit sa Malacañang?
NG: “It’s Now or Never” maoy ilang giawit, Nyor. Kay kon di nila madali-dali pagkiha si Gloria, klaro man kaayong mo goodbye Philippines ni.
