Inum ihi buhi
Nakahinumdom ko niadtong pagbalik ni Michael Jordan sa Bulls. Gipangutana ko ang akong higala kon gasunod pa ba siya sa iyang paborito nga NBA team. Miingon siyag, “O, Nyor, pero sa newspaper na lang kay wa nakoy panahon itan-awg TV.”
Kataw-anan kay daw susama niini akong tubag kon pangutan-on mo ako kabahin sa mga away ni Pacquiao. Maghuwat na lang kos resulta sa Internet kay una, wa koy pangbayad og pay-per-view unya wa koy gana motan-aw sa TV kay ga balik-balik pag tuyok-tuyok ang mga commercial. Gawas pa dili sugdan pagsibya ang delayed telecast sa mga away ni Pacquiao hangtud nga matapos kini.
Nakahibawo nakas resulta unya pahuwaton pa gyud kay ang intro i-chopchop pag ka upat. Makasabot ko nga nangwarta ni silag maayo kay daku gud ni nga event apan di ko ka pugngan nga malipong sa gabalikbalik nga mga commercial. Gawas sa panahun nga mausik sa paghuwat makakuha usab akog sakit sa ulo kon mutan-aw akog delayed telecast sa mga away ni Pacquiao.
* * *
Spontaneous ang reaction sa Facebook ug murag siyam sa kada napuo moingon nga si Marquez maoy nakadaug. Nahitabo lang tingali nga akong mga higala ning maong social network daw mas “open minded” kay sa “nationalistic.” Kay niadtong miaging Miss Universe mas dapig man sila ni Miss Angola.
Nahimuot usab ako kay ang mga higala ko nga mga beauty queen ug models suhito man usab diay sa boxing. Si Jo Alburo sa MAC maoy nag una pag reklamo: “Para nako si Marquez ang daog jud.. Lain ra ang decision.”
Ang laing model nga si AR Duenas mibatbat sa punto nga tagaan og bintaha ang champion batok sa challenger. Sa ato pa kon ikaw challenger dili igo nga malupig nimo ang champion kinahanglan imo kining laparuhon pag pildi para ikaw maoy ipuli niani pagka champion.
Mipadayon si AR nga wa kunoy sukod sa bawos kay sa una kunong panagbangga ni Marquez ug Pacquiao daug man gyud unta ang atong manok apan gi-draw man kini sa mga judges.
Sa ato pa daw na karma kinis Marquez nga sa away nga para iya unta gi-pildi siyas mga judges. Ug daw mitugma ang opinion ni AR kabahin sa unang fight ning duha ka boxer sa comment ni Kevin Iole sa yhaoo sports:
“Their two previous bouts were furious battles, and both could have gone either way. Their 2004 match was a split draw, with one judge favoring Pacquiao, another Marquez and the third, Burt Clements, having it a draw.
But Pacquiao could have won that bout had Clements scored the first round, in which Pacquiao scored three knockdowns, 10-6. Clements scored it 10-7, later explaining he was unaware he was allowed to call a round 10-6. Had he scored it 10-6, as did the other two, Pacquiao would have pulled out a split decision.”
Mipasiaw usab og aplandung ang beauty titlist nga si Ana Igpit kon basig nakatabang kang Marquiz ang paginom niani sa iyang kaugalingong ihi. Tingali nakahibawo si Ana ning giingon pas Ininsik nga Binisaya, “Kaun kamay patay, inom ihi buhi.”
