The cute one strikes three

Human sa mga balita tali sa baha ug mga kamatayon, nakabasa na gyud kitag pipila ka good news gahapong adlawa. Sama sa kaminyoon ni Paul McCartney ug sa pagka sikop ni Bella Ruby Santos.

Wa ta mag-ingon nga si Santos guilty apan nalipay ta nga moatubang na siya sa sumbong batok kaniya nga may kalabutan sa kamatayon sa 6 anyos nga bata nga si Ellah Joy Pique.

Usa tingali sa symptom sa katiguwangon mao nga medyo apologetic kana sa imong personal favorite music. Usahay mabalaka ko kun maka-identify ba ang mobasa ning maong lindog sa mga music ug ideas nga akong gipanghisgutan. Sama ning kaminyoon ni McCartney.

Si McCartney mao ang gitawag og “the cute one” sa English combo nga The Beatles. By coincidence, British usab ang co-accused ni Santos sa kaso nga kidnapping ug homicide nga mao si Ian Charles Griffiths.

Kun alang kanimo ang The Beatles icons against convention, dili si McCartney ang imong mahimong idol kay pleasing ra kaayo kini. Bisan pa man kun si McCartney maoy musical genius sa fab four, si John Lennon ug George Harrison maoy nahimong counter-culture icons. Social rebel ang drama ni Lennon samtang serious artist kunohay ang persona ni Harrison. Commercial ug pang-chix ra kaayo ang aura ni McCartney. “Cute” ang packaging sa The Beatles pagsugod apan daw si McCartney ang wa makaguwa ning packaging.

Dagahan ang miakusar kang McCartney nga pagwartahay ray tirada. Iyang gipa-dissolve ang The Beatles para dili kini mopadayon kun wala na siya. Iyang gipiling asawa ang heredera sa Eastman Kodak nga si Linda. Ug tanan niyang kanta puros may commercial flavor.

Apan ang mga seryoso nga kanta sa Beatles sama sa “Let It Be” ug “Yesterday” gikan man kaniya ug igo lang mi-chip in si Lennon sa mga chorus. Ang iyang loyalty sa music ug ang iyang mga drug busts maoy nakahatag og hilas ni McCartney nga maoy nipaminus og gamay sa iyang pagka-cute.

Namatay si Linda sa breast cancer pagka-1998. Naminyo pagusab si McCartney pagka 2002 kang Heather Mills, usa ka model nga napungkol sa ilalom sa iyahang tuhod human nbangga-an ug motorsiklo. Gabuwag sila pagka 2006 ug midemanda si Mills og kapin sa katunga sa bahandi ni McCartney apan ang huwes og ang mga tawo sa England wa mosimpatiya kaniya.

Niadtong usang adlaw, giminyoan ni McCartney si Nancy Shevell, usa ka adunahang Americana nga diborsyada nga nagpanuigon og 51 anyos.

Usa sa unang kanta nga gisuwat ni McCartney mao ang “When I’m Sixty-four.” Nagknayon ang chorus niini: “Will you still love me, will you still feed me, when I’m sixty-four?” Di na niya kini makanta sa iyang bag-ong bride kay 69 na man siya karong tuiga.