Bulls are back
Nyor Daku (ND): Unsay team ron nimo sa NBA, Nyor?
Nyor Gamay (NG): Bulls.
ND: A, abi kay nakadaug man silas first game batok sa Miami Heat.
NG: Di lang kana Nyor.
ND: Unsa pa man diay?
NG: Ganahan kong ma-frustrate si Pat Riley.
ND: Nganong ma-frustrate man si Riley?
NG: Kadtong panahon pa ni Michael Jordan gadumot gyud ni si Riley sa Bulls. Siya pa ang coach sa New York Knicks niadto. Si Phil Jackson pay coach sa Bulls niadto. Diha lang nawa na si Jordan kay nahiubos sa kamatayon sa iyang amahan nga nakasulod sa championship ang New York. Gipildi sila sa Houston Rockets. Naka back-to-back championship ang Houston Rockets sa wa pa mobalik si Jordan. So gadumot gyud intawon si Riley aning bulls. Ug karon nga siya nay presidente sa Miami Heat kini nay panahon nga makabawos siya sa Bulls. Mao nga buot kong mapildi ang Heat para magkagut na usab ang ngipon ni Riley.
ND: Mao ba? Historical diay imong basi sa imong choice, ha.
NG: Makaingon ka niana Nyor. Apan kun history lay atong hisgutan, morag ang Bulls may mosaka inig human sa rivalry sa Celtics ug Lakers.
ND: Time pa. Murag dili kaayo ni haum.
NG: Unsay ipasabot nimo Nyor?
ND: Di ba pagakhuman sa Lakers niadto ni-back-to-back pa man ang Detroit Pistons sa wa pa makasuod ang Bulls?
NG: Unya?
ND: Basig mo back-to-back usa ang Miami Heat sa di pa mo champion ang Bulls.
NG: Ha?
ND: O ang Dallas Mavericks.
NG: A, binuang.
ND: O, ang OKC Thunder.
NG: Hinay-hinaya sa ko Nyor.
ND: O sige.
NG: Gilampaso na ang Heat sa Bulls ganina. Di man gani nila kini ma-sweep makita na nimo ang advantage sa Bulls.
ND: Nga unsa man?
NG: Nga ang ilang bench mahimong maoy moda sa duwa. Ug ikaduha mahimo silang mopauwan og tres bisag unsang orasa.
ND: Ug ang mga team sa West? Wa na lay kwenta?
NG: Oklahoma maoy modaug didto Nyor?
ND: Ngano man?
NG: Maka-body man si Perkins ni Nowitzki ug di na kaapas si Jason Kid ni Westbrook.
ND: Unya kun Bulls ug OKC?
NG: Bulls. Bench factor. Ikaw diay Nyor?
ND: OKC lang ko Nyor.
NG: Ngano man?
ND: Kay kon mapildi ang Bulls duna may lansiao. Kun OKC mapildi morag papait ray mahimo.
ND: Di na ka matambalan Nyor. Pauyon-uyonan na lang tika?
