Mambamalling

Sayop ang maong ulohan. On two counts. Una, dili na sakop sa Mambaling ang gitkuran sa Shopwise, Super Metro Mambaling ug Fooda Saversmart . Nasakop na kining mga bag-ong tindahan sa Basak San Nicolas. Ikaduha dili kini sila mga malls. Mas duol kini sila sa supermarket nga category. Gigamit ko lang ang maong ulohan tungod gay ga tripping ako sa rhyme ug alliteration niani. Ug tungod kay ako nga mosuroy sa maong mga commercial nga lugar usa man ka Mambalinganon. Sikbit ra ang duha ka barangay.

Sa eskina Tabada ra diay kutob ang Mambaling. Ang akong mahinumduman tali sa Tabada niadto mao kadtong namaligyag karne nga magsiguig hisgut og tabo ug kadtong sastre nga rocker nga usahay mosakay og tatrtanilla inig humag drop og Corex D. “July Morning” sa Uriah Heep maoy kanunay kong maabtan nga magtukar sa maong tailoring. Apan daw sa laing kalibutan na nasakop kadtong Tabada nga akong suroyan niadto. Daw wala nay connection sa karon.

Unang miabri ang Fooda Saversmart. Nalipay ra ang mga palibot nga katilingban niani kay duna na silay dakong tindahan nga kakumprahan ug kasuroyan. Dili inspiring ang lay-out sa Fooda apan dako kini ug bugnaw. Wala madugay gisundan kini sa Shopwise. Ug tungod lagi kay Rustan’s may tag-iya niani mas layshu kini. Duna kini masahian ug pipila ka mga kan-anan. Tungod kay mas daku, mas hayag ug mas bugnaw kini kon itandi sa Fooda mas daghang tao ang mosuroy ning maong tindahan. Pero dunay mga parehas nako nga mosuroy lang sa Shopwise pero adto mopalit sa Fooda kay mas barato man ngadto og gamay.

Nalingaw ako sa pag-abri sa Shopwise apan nadugay gilaayan na usab ako kay wala didto ang mga suroyanan nako –ang Book Sale ug CDR King.

Pagdayong abot sa Pasko miabri ang Super Metro Mambaling, atbang sa Shopwise. Mao nga adtong niaging Pasko gagubat og sounds ang duha ka tindahan. One level ra ang Shopwise, two stories ang Fooda, ang Metro three stories. Hinuon dunay underground parking ang Shopwise ug ang ground floor ang Metro, Jollibee ra ug parking area maoy gaakupar.

Natabla sa Metro ang ka laysho sa Shopwise. Gani kon naa ka sa sulod sa Super Metro Mambaling daw di ka siguro kon naa ba gyud ka sa Basak San Nicolas area o naa ka sa Ayala o Mandaue. Ang Metro nga na kontrobersyal tungod sa kamatayon sa usa ka batan-on sakamot sa ilang security maoy pinaka class sa mga Gaisano nga tindahan.

Apan wa lang gihapon kini CDR King ug Booksale mao nga mosuroy lang gihapon kos ubang mga mall.

Gitukod ang “flyover” para pagpaminus sa traffic sa maong lugar apan sa pagabri ning dagko nga mga tindahan daw mas mograbe pa ang traffic.

Basig inig abre sa SRP nga SM (kini sakop na gyud sa Mambaling) mgdala kinig CDR King ug Booksale. Ug manghinaut lang ta dili musamot ang traffic sa Mambaling.