Judge Veloso did-an na sa kaso ni Bella?

Dili magmika ang taga-prosecution panel niining kasong kidnapping with homicide batok kang Bella Ruby Santos kay seryoso nilang gitun-an ang pagpa-inhibit ni Regional Trial Court Judge Ester Veloso human mitugot ang huwes nga makapiyansa si Bella taliwa nga ilang gituhoan nga convincing ilang mga ebidensiya.

Tuyo sa prosecution pinaagi kang manlalaban Inocencio Dela Cerna nga mopagawas una og order si Judge Veloso sa ilang gi-file nga motion for reconsideration and holding in abeyance sa execution sa granting sa bail sa dili pa pirmahan ang order of release alang ni Bella. Pero wa kini matuman.

Gipasabot ni Dela Cerna  nga  dili gyud prohibited pleading ang ilang  gi-file nga motion for reconsideration kay gani ang mga order sa Korte Suprema subject man sa reconsideration.

Nakasabot ko sa kahiubos karon sa amahan ni EllahJoy nga si Renante Pique niining pagtugot sa huwes nga nakapiyansa si Bella kay nakatilaw si Renante og tagam sa kaidlas ni Bella sa mga kamot sa balaod.

Kun way nakapindot kang National Bureau of Investiagation agent Arnel Pura nga mao to si Bella nga nagpamubo na og buhok didto sa Manila pabiling di kalihok og taral sa kaso.

Hinuon mipasalig man si Rameses Villagonzalo, abogado ni Bella  nga dili gyud mosibat  ug  dili  mo-jump bail human na-release kagahapon sa mga alas-10 sa buntag.

Tan-awon ta lang kun mahitabo ba ang mga pasalig ni Ram kay mitagam na ta sa kaso ni Philippine Benevolent Missionaries Association supreme master Ruben Ecleo Jr. nga hangtud karon gawasnon pa bisag konbiktado na sa pagpatay sa iyang asawa nga si Alona.

* * *

Asa  na ang mga  pasalig  ni Talisay  City Mayor Socrates Fernandez nga iyang itugyan sa kapulisan niadtong Lunes ang iyang adopted son nga  si Joavan human nakapusil kang Eduardo Largo?

Nganong kanunay man sab nga mainutil ang kapulisan sa Talisay pagdakop  ni Joavan?

Nagpasabot kini sa pagkainutil ug pagka-lousy ni Philippine National Police (PNP) in Central Visayas Director Chief Supt.  Marcelo Garbo?

Wa pa mabungol sila si Garbo niining pagkabakakon ug pagkakonsentidor ni Soc?

Ambot lang kun wa ba lokoha nila ni Garbo ug Mayor Soc ang publiko. Maglibog lang ta kay madakpan man gani ang mga criminal nga ngilngig kaayog record, Joavan na bay dili.

* * *

Nagpinulis na sab ang mga pulis niining kaso sa anak ni late vice-  governor Greg Sanchez nga si Leodegreco “Greco” Sanchez ug sa barkada niini nga si Edward Teves.

Pila man gyud  ka gramo ang nakuhang shabu gikan sa posesyon ni Greco?

Nalahi naman gud ang  version sa kapulisan pag-abot sa piskaliya kay miingon na man sila si Police Officer Albert Luardo nga wa makaabot og lima ka gramo ang nakuha gikan ni Greco.

Pero unang napublikar  dinhi sa  Cebu Daily News, misugilon si Supt. Paul Libra II sa Regional Intelligence Division sa Police Regional Office in Central Visayas nga sobra sa lima ka gramo ug seguradong di kapiyansa si Greco.

Pagklaro mo uy!

Magduda kog samot ning liderato ni Garbo dinhi sa Central Visayas nga mopatigbabaw og samot  ang  kabuang sa PNP.

Bisan kami sa GMA-7 biktima mi sa hawshaw nga imbestigasyon sa among reklamo batok sa mga tawo  ni Senior Supt. Rey Lyndon Lawas  sa Lapu-Lapu City Police nga mikonsabo sa mga Korean national nga mibunlot sa among camera  ug mi-delete  sa  among mga file.

Wa nay angayng ipasigarbo si Marcelo.

* * *

Dunay nagsuwat kanako sayo niining buwana ug nisugyot aron mapalambo ang judicial system dinhi sa atong  nasud.

Siya  mao si Dr. A. Hontanosas nga anaa nagbase sa Tagbilaran City Bohol ug nagpaila siya nga anak ni late CFI Judge Agapito Hontanosas Sr.

Matud sa tipik sa iyang suwat:

“Dear  Super Lloyd  Suarez   Radio dySS Cebu,  I am sorry to bother you. I listen to your 9 p.m. radio program and you described accurately the Cebu judiciary. I am running for  vice mayor of Tagbilaran  City as Independent – Nacionalista. My late father, CFI  Judge  Agapito  Hontanosas,  Sr. was a friend of senior Congressman Pabling Garcia,  a legal luminary  and a bar topnotcher. I am suggesting reforms in the Department of Justice:

“1. The offices of the Chief Provincial Fiscals and Chief City Fiscals should be elective, so that the Fiipinos can change bad fiscals every 3 year. This is the set-up in America.

“2. The top officials of the Executive Department from the President to the regional government managers should be compelled to do voluntary depositions on any allegation of criminal activity, otherwise, they are considered resigned if they refuse. This is, again, the set-up in America.”

With all due respect, kining duha ka mga sugyot  ni Dr. Hontanosas dili  kini  mahitabo sa Pilipinas hangtud dili mausab  ang atong  Konstitusyon kay sa present set-up ang mga piskal  tinudlo sa Presidente sa nasud ug dili pinili sa katawhan ubos sa  atong sistema  sa  pang-gobyerno nga presidential form.

Kabahin sa pagpahigayon og depositions sa  mga  kasong criminal dili trabaho sa atong Presidente ug sa  atong mga local chief executives.

Pero in fairness nato duna tay mas epektibo nga paagi pagresolbar  sa mga kasong criminal sama sa atong Barangay Justice System nga ipa-agi og settlement sa Lupon ug ang  paagi sa piskaliya ug sa korte nga ipaubos sa mediation proceedings or amicable settlement ang mga kaso aron dili