Camella Sexy

Nanaka ang kilay sa ubang mga working girls sa eskina Escario st. ug Archbishop Reyes Ave. dihang mirampa ang duha ka promo sa Camella Homes nga ga sleeveless ug ga miniskirt nga nanghatag og flyers sa mga bag-ong discounted prices ning inila nga housing company.
Ako mismo wa ka pugong sa pagbudlot sa akong mga mata.
“Naunsa man na sila uy?” maoy kasagaran nga nadungan kong chorus sa mga kababayen-an.Dayon sumpayan kinig -”unsa may ilang gibaligya balay o ilang kaugalingon?” Gani may usa ka abogada nga moingon nga kon siya pa kunoy ga employ kanila iya kuno kning pangasab-an kay di kuno kni mao ang corporate work clothes.
Kanang, ahem, excuse me una. Kon gi-gil-asan mos ilang gipanul-ob mahimo ra sad bayang maghubo mo.
Pwera binuang, dili kining mga babaye maoy angay basulon ning maong visual distraction sa maong lugar. Gisugo ra kini sa ilang amo pag pa sexy enough to distract. Pagpa sexy enough to cause traffic. (No, wala sila maka cause og disturbance sa traffic flow.) Kon duna kamoy angay kasab-an ang ga-conceptualize nianing maong gimmick. Kon kinsa man gani siya, usa siya ka subscriber sa age-old cliché nga “sex sells.”
As with every kind of advertising ang mensahe niani subliminal ug non verbal ug dunay daghang subtext nga gituyo para pagdani ug paglingla.
Unsay may posibling mensahe nga mahatag ning nang rampa nga madanihong ga pakigol?
Nangita mig daddy, kanang sweet; 2) Kon maka afford kag unit basig ka afford ka mo-house sa mga parehas namo. 3) Kon di ka maka afford, don’t even think about it.
Of course kining maong mga pagdani resides strictly n the subconscious. Pangpagiluk lang gud, pang paigmat. Way kalainan sa mga babaye sa kalendaryo sa bino o sa commercial awto. Ang naka jarring lang sa Camella skimpies kay live ang parada sa ilang pagkamadanihon sa usa ka publiko nga lugar diin daghan ang maughag laway.
Posible sad nga usa ra kadto ka stunt para lang matabi nga dunay disturbing gimmick ang Camella ug ako ania mipaak sa maong gimmick ug nga karon gadukduk ning maong column. All posiblity kuno matud pas mga taga show biz is good publicity.
Pero maktabang ba kahag pahalin sa mga units sa Camella ang mga maka paugag laway nga mga legs (nga misamot ka madanihun tungod sa heels sa ilang sapatos nga gisul-ob)?
“You know, sex sells” matud pas mapahiyumong kong higala nga tag-iyag sinehan. Apan mga usa ka tuig human niya malituk kining maong mantra na sira ang usa sa iyang mga sinehan ug nahimo na nga grocery. Sex, mmm, ah, well, sells, sometimes.