The year of the re-loader

Nyor Gamay (NG): Happy 2013 Nyor

Nyor Daku (ND): Happy New Year

ug Happy Three Kings pud Nyor.

NG: Happy Sinulog na lang pud ug Happy Valentines.

ND: Ka advance thinking ba nimo, Nyor. May gali wa nimo sugata ang tuig og bagulbol.

NG: Unsay wa. Ikaw Nyor, imo gyud kong unhan sige. Imo gyud kong sugnoran. Sa pinulongan pang Iningles, Nyor –don’t get me started.

Article continues after this advertisement

ND: Yawerds. Be kay nanginit naman gyud nang imong dunggan ipahungaw na nang imong mga yangungo.

Article continues after this advertisement

NG: Wa ko mauyon ning nadawat nakong gift gikan sa usa ka printing press nga mga pad paper nga gipatikan sa akong ngan. Unsa may pagtuo nila nako CEO nga magsige lag memo. O kandidato sa piniliay nga magpunay og padag suwat nga naa akong ngan para di ko makalimtan?

ND: Bitaw Nyor. Basin sab kun dunay mangayog ransom ginamit ang papel nga napatikan sa imong ngan mahimo kang suspect.

NG: Mao na. Ikaw Nyor unsa may sulod sa imong bagubagol ning bag-ong tuig?

ND: A, naluoy ra ko sa itom nga panda.

NG: Ha?

ND: Naluoy kos Black Panda kay nangluspad ni og namti dihang girakrakan ni sa Dakbayan sa Mandaue.

NG: Amiw gyud ka Nyor. Pero para nimo Nyor, drama to?

ND: Drama. Pero kang kinsang production maoy pangutana. Mahimong sa pulis. Kay mura silag miingon nga –sige dukla mi, pagkasayon ra ninyo rakrakan mga buanga mo. Pero mahimo sab nga sa pundok ni nila ni Paolo Garcia nga daw moingon –kuhaan mi ninyo og armas, wa na mi ikapanalipud sa among kaugalingon, naa ra ba diay gusto mobira namo.

NG: Ikaw Nyor, uyon ka sa permanent ug total gun ban?

ND: Uyon ko sa ingon nga mas minus ang pusil mas minus ang patay apan ang pusil ra man guy pamaagi nga ang naginusara makasukol sa daghan, ang hinay makatabla sa kusgan ug ang babaye makasanta sa lalake.

NG: Pero Nyor, nganong magda pa man tag armas nga naa may mga pulis?

ND: Kana lagi kun naay pulis atol sa hitabo. Pero unsaon man sab nimo kun ang pulis mismo maoy magpabadlong? Sama sa nahitabo sa Atimunan, Quezon diin nadiskobrean nga duna diay mga pulis nga sakop sa gun for hire syndicate ang nakigpinusilay sa checkpoint.

NG: Duna kunoy parallel Nyor, ang nahitabo sa Cavite ug sa Connecticut. Unsay imong pagtuo, Nyor?

ND: Mas kuyaw ang sa Cavite.

NG: Nganong makaingon man ka ana Nyor, nga mas daghan mang patay sa ila?

ND: Kay sa ila batan-ong out of school ra man to nga gainusara ug usa ra pud ka lugar namusil unya paghuman naghikog. Sa ato kay ex barangay official nga mi-stroll ug namusil sa mga kasilinganan. Mura ra siyag mipasiyo. Unya ang nakalaysho pa gyud ning gihingalag Bossing Bae kay duna siyay assistant nga tig-reload kon mahurot na iyang bala. Asa ka mangahoy ana. Nakabasa ug nakadungog na kog tandem killers pero karon pa ko nakahibawo nga dunay nag-amok nga dunay sidekick reloader.

NG: Sakto ka Nyor.

ND: Di ta magsigeg hisgut aning patay uy. Unsa may laing sulod sa imong hunahuna ron?

NG: Kuan Nyor, Sarah Lahbati.

ND: Tawn sab.

View comments