Rocket men

Ubayubay man diay ang dunay kanta nga ôrocket.ö Apil na niani ang Smashing Pumpkins, Def Leppard ug Yellowcard.

Dili tingali tanang tao gusto mo sakay og rocket pero hapit tanan gusto mopalupad og rocket. Mao tingai kini rason nga daghan kaayo ang gusto mopalupad og kwitis. Dinha kadtoy kwitis sa una nga gihinganlan og baby rocket.

* * *

Ang gobyerno sa North Korea ganahan kaayo mopalupad og rocket. Bahala nag medyo dili kaayo maayog kaon ang ilang nasud. Bahala nag mangurog ang mga molupyo sa south Korea. Bahala nag kaspahon ang America. Mopalupad gyud silag rocket.

Karong semanaha ilang saad nga mopalupad. Nakuyawan ang America sa pagpunay og palupad og rocket ning taga Pyongyang kay nagkalayo ug nagkalayo na ang gipangtugpahan ning mga rocket nga sa madugay o madali mo landing na kini sila sa tugkaran sa mainland USA.

Nagkanayon ang taga amihang Korea nga way angay ikabalaka ang tanan kay satellite ray i-lang ipasakay sa rocket. Apan namuti ang mga kano nga sunod rocket na nga may bomba o rocket missiles nay paluparon ning mga hanggaw. Nabalaka ang habagatnong Korea kay kon mosiaw ning ilang silingan sila unyay praktisan kay wa pa ra ba officially mahuman ilang gubat. Nakulbaan usab ang gobyerno sa Pilipinas kay ang banabana sa North Korea nga duol man kuno sa Batanes ang tugpahan ra rocket nga mopalupad sa satellite.

* * *

Ang pinakasikat tingali nga kanta nga dunay rocket mao ang ôRocket Manö ni Elton John.

* * *

Ang Iran nga dunay mga nuclear projects mitataw nga wa silay laraw nga mopalupad og nuclear missile (rocket). Apan nag sigue silag gabahad nga ilang papason ang Israel sa nawong sa kalibutan. Mao nga sa ilang bahin, ang gobyerno sa Israel nanghulga nga ilang pauwanan og rocket ang Iran kon di kini moundang pag develop sa ilang nuclear facilities.

Tungod niani misuwat og balak ang German writer nga si Gunter Grass kabahin sa pagka makarun ingnun sa Israel nga kusog mobadlong sa mga gatukod og nuclear weapons nga sila mismo dili man pabadlong.

Murag rocket ang balak ni Grass kay daw naigo og nabuthan ang Israel niani. Ilang gihimong persona non grata si Grass ug nga sa ingon di na kini pasudlon sa Israel.

* * *

Usa ka stanza sa ôRocket Manö (lyrics ni Bernie Taupin) nagkanayun:

ôMars ainÆt the kind of place to raise your kids/In fact itÆs cold as hell/And thereÆs no one there to raise them if you did/And all this science i donÆt understand/ItÆs just my job five days a week/A rocket man, a rocket man.ö