Nyor Daku (ND): Tigtan-awan gihapon kag TV ron, Nyor?
Nyor Gamay (NG): Mao ra may kalingawan natong mga dagkug tiyan. Inig humag kaon, lingkud, manguyatid, patung tiil .. . huwat’s high blood …
ND: Simbaku ka, Nyor! Maypay mangintra tas Biggest Loser.
NG: Sugod naba, Nyor? Bilib sad ko aning Sharon, Nyor, da. Wa siya mahadluk mo-host ani. Basig insultuhon siyas mapildi nga participant nga mas daku pa unya siya.
ND: Ambot lag gasugod naba, Nyor. Pero basig gipaapil pag pa-diet si Sharon ning maong salida. Pilay pad magka paris napud silang Aga Mulach.
NG: Siya na unyay mopuli ni Angel Locsin.
ND: Salbahisa nimo, Nyor, uy.
NG: Nakbasa ra ba ko, Nyor, nga piligro sa panglawas kining ilang palumbag padaut sa “Biggest Loser.” Kinahanglan kuno nga gradual ang dieting. Kay kon abrupt ra kaayo ang pagkanaug sa imong gidak-on ug timbang basig mabughat imong kasing-kasing.
ND: Murag tinuod na, Nyor. Pero lain pay ato, may nabantayan kas GMA 7?
NG: A, unsa man dili consistent ang pagka itom ni Nita Negrita? Mas angayan nga mag binayot si Regine?
ND: Wa ka makabantay nga tinuoray na gyud nga Bisdak ang mo-voice over sa ilang mga Binisaya nga mga commercial.
NG: Bitaw, Nyor, no. Basig naminaw na sila sa atong pagsiguig panaway, Nyor.
ND: Di lang sad ta magdahum, Nyor, uy … basig feeler ra kaayo ta.
NG: Pwerting giuka sad paminawon anang Pero angay daygon natong mga bisdak ang GMA7 aning ilang gihimo.
NG: Daygon ang 7! Mabuhiong mga Bisdak!
ND: Amen. Unya, Nyor, kumusta naman ang “Mara-Clara”?
NG: Pwerting tuyoka. First love never dies man diay nis Mang Gary maong nahimong kombi sa “Cape Fear” ug “The Collector” ang maong teleserye.
ND: Unya maayo rang pagkatuyoka?
NG: Aw lingaw ra man nuon, Nyor.
ND: Ganahan raba unta kos tema aning salidaha nga genes vs. environment sa pagpadaku ning duha ka dalagita.
NG: Bitaw, Nyor. Wa dayon ko bantay ana da. Tolerable ra man ang twists, Nyor, ang dialogues lang gyuy pwerting batia. Nausab na gyud hinuon ang padagan -naa na magtuyok ni Mang Gary. Gani maayo man himuan kinig sine unya Mang Gary na ang title ug ipa R na ang rating para mas bold ang insight ngadto sa usa ka anti-hero.
ND: Pero murag way mohimo ana, Nyor.
NG: Hinuon. Ikaw, Nyor, wa nakay tan-awtan-aw og TV?
ND: Udto ra kasagaran. “Eat Bulaga” ug mga Korean nobela sa Channel 5.
NG: Kuyaw sad kag kombi, Nyor, da? Unsay mga insight nga nakuha nimo ana, Nyor?
ND: Lawom og characterization ang mga korean scriptwriters. Maayo pud sila mo patuyok og plot ug subplots. Duha ra may tema ning maong mga drama—mga isug nga mother-in-law ug mga paglugwa pagbalik sa mga kagahapon, tao man o hitabo. Apan bisan pa man niani daw endless ang variation sa ilang mga sugilanon.
NG: Mura nakaigo ka niana, Nyor, da. Kay may nag-ingon kanako nga may conflict gyud sa mother-in-law ang tanang maminyo og Koreano. Ma Pinay ka man, ma Insik o bisag Caucasian. Matriarchal tingali kau ang ilang society. Pero unsa man say makuha nimos “Eat Bulaga”?
NG: Ang insight sa Juan for All, diin makita mo gyud ang panimuyo sa mga Pinoy karon. Dunay mga nag-abang og atup nga gipatong lang sa mga paril sa silingan. Dunay nga gusto mouli sa ilang mga lalawigan wa intawoy pamliti.
NG: Mura diay sa mga docu sa News TV.
ND: Ang problemas News TV, Nyor, kay “emo” ra kaayo. Murag pirming makaluluoy ang Pinoy. Samtang sa “Juan for All” for all, makita mo ang pagmaya sa mga Pinoy taliwala sa kalisud. Sa ilang mga katawa makita mo nga wa sila mapildi sa kinabuhi.
NG: Motan-aw unya ko, Nyor. Pero naa pa ba ang Sex Bomb dancers?
ND: Murag wa ko kabantay, Nyor, da.