Takin’ it easy
Usa sa labing cool nga kanta nga akong nadunggan mao ang “Take It Easy” sa Eagles tungod kay kalma kaayo kini moda og hambug. Ania ang first stanza:
“Well, I’m running down the road/tryin’ to loosen my load/I’ve got seven women on my mind
Four that wanna own me/Two that wanna stone me/One says she’s a friend of mine/Take it easy, take it easy/Don’t let the sound of your own wheels/Drive you crazy/Lighten up while you still can/Don’t even try to understand/Just find a place to take your stand/and take it easy…”
Lunes, adlaw sa deadline. Walay sulod akong bagul-bagol. Duna hinuoy mga imahen sa babaye nga mo-flash sa akong periphery. Not that they want to own me or steal me. But they might just save me from defaulting a deadline.
Jessica Connelly. Ang unang image nga galutaw sa akong atubanagan mao ang kang Jessica Connelly. Niadto gung unang semana gatapok mi sa ilang parlor, ang Hollywood Nails, para motan-aw sa iyang pagsulod sa “Pinoy Big Brother.” Apan napakyas kami kay wala siya masulod. Niadtong Domingo mamiktyor unta ako sa facade sa usa nila ka branch apan mi-text kanako si Gigi, ang mama ni Jessica nga i-cancel lang una ang maong activity kay tua na siya sa Manila para sa “PBB.” Giawhag hinuon niya ako nga patan-awon sa TV kay mosulod na gyud kuno si Jessica.
Sa mga gi-flash nga teaser sa ABS-CBN wala may hint ni Jessica. Dihay “sekyulele ng Cebu.” Wa ko kasabot nga ang sekyu shortened form diay sa security guard maong nasurprisa ko nga kahibawo diay mo ukulele si Jessica. Nakuyawan ko og basig di na sab mahinayon. Apan nakit-an ko si Gigi nga gada og tarp nga may nawong ni Jessica. Ug tuod man mibutho ra gyud ang iyang maanyag nga anak apan nakurat kami kay ang iyang title mao man ang Snow White of Taguig. Manila diay gyud kini mi-audition ug maong Taguig ang address kay didto man siya gaistar.
Gwendoline Ruais. Di ko kahibawo mo-pronounce sa iyang ngalan apan siya ang half-French nga kandidata sa Pilipinas sa Miss World. Medyo wa kaayoy pakulo ang iyang biyahe padung sa bangga sa kaayang didto sa England. Gamay ray gadahum nga nga makahimo siyag kasikas didto. Mao nga pleasant surprise ang news ganiha nga diriyot diay siya mapili. Nahimong first runner-up si Ruais sa kandidata sa Venezuela nga si Ivian Sarcos pagka Miss World.
Gwen Garcia. Kaganihang hapon giadto namo ang panimalay ug buhatan ni Conrad Montilla nga gahimo sa Conrad’s Mango Wine. Miingon kanamo si Conrad nga una niyang tumong sa paghimo ning maong bino mao ang paghatag og garbo sa Sugbo. Nasubo kuno siyang gapalandong nga inig toast sa mga dagkong okasyon, pirming Italian wine ang gamiton. Buot siyang makahatag bino nga moduyog sa atong kultura. Bino nga gihimo sa Cebu ug mohatag sa templa sa Sugbuanon. Usa lang ka persona ang misulod sa among huna-huna nga makatabang kaniya: si Gov. Gwen Garcia. Kun maka tie up siya sa Suroy-Suroy Sugbo, siguradong maka-jackpot siya. Ug kun ganahan si Gov sa iyang bino, mahimo niya kining ipanghambug sa gawas isip bino nga Sugbuanon. Gani kun akoy pabut-on, maayo tingaling maghimog tarp si Conrad diin si Gov maoy mapatik isip endorser.
Tingali far out ra kaayo kining maong suggestion ug maayong ato lang i-take it easy.
