Quiel: Pedring, kon ngan pas babaye ang gibunyag nimo, unsa untay imong ngan?
Pedring: Aw, unsa pa di Pedrita.
Quiel: Ka cute sad uy! Little female Peter. Ako kaha no?
Pedring: Ikaw? Quilita. Quielita Corales. Ug ang imong pahimungtan mao ang mga baybayon nga daghan pag corals nga nahabilin. Medyo pangitaon na na.
Quiel: Hastang amawa nimo, ’Dring, uy. Murag ni-subscribe diay kas Spanish grammar, da.
Pedring: Maayo na lang intawon na kay sa atong ngan sa gawas Nesat. Murag Loch Ness nga na pisat.
Quiel: Ang ako kay Nalgae.
Pedring: Ngil-ad gyud kag mga ngan puros lisud litukon. Unsa nang kasikas sa layo?
Quiel: Si Ramon. Wa dayon ka bwelo kay gikuptan sa dagat.
Pedring: Na unsa naman sad ning dagat ron? Gabiga! Ga punay og pangumpayut. Kanyahay rang naguba tong pasiyuhan sa Roxas Boulevard. Siguig kapyot, kab-ot. Lupig pay batang wa malutas.
Quiel: Init ang pamati sa dagat ron—tungod kuno nis global warming. Maong gusto kaayo ning mulayat ug mokuyog nato.
Pedring: Unsa man sad ning mga tao nga gusto man kaayo manimuyo daplin sa dagat.
Quiel: Kapanginabuhian man sad nang dagat, ’Dring. Anha na sila managat, mang sisid, manginhas.
Pedring: Bisag nakahibawo sila nga bisag unsang oras mag wild ning dagat. Ila lang untang ipalayo ilang pinuyanan.
Quiel: Maayo man gud nang naa ras tugkaran para way kas plite.
Pedring: Unya kay moagi man gyud ta diha.
Quiel: Wa silay mahims, kita may rayna. Aw, hari diay.
Pedring: Unya unsa man sad tung namuyo sa basakan sa Nueva Ecija, Pampanga ug Bulacan? Nalunupan man pud to sila.
Quiel: Mananumay tog humay, ’Dring. Kadtong man kahang nalunopan.
Pedring: Mas maayo pa tingali tong gipanghimo sa mga Pinoy niadto nga mag bongbong lag amakan ug mag atop ug nipa para ang mga guba nilang pinuy-anan matig agi nato dali rang matukod pagbalik.
Quiel: Pero, ’Dring, kon magsigui lag payagpayag way mga tukonghaan o ospital nga matukod. Nakatabang baya ang science ug technology pagpataas sa kinabuhi ug pagpalawak sa kasinatian.
Pedring: Di ba magbalikbalik man nang mga tao, Quiel? Mangamatay unya mabuhi nasag balik. Parehas ba nato katuyoktuyok ra ta ngan lay gipang usab.
Quiel: Kon motuo kag reincarnation nga gaingong magbalikbalik ra ta apan ang tinuohan sa kadaghanan mao man nga kada kinabuhi bililhon og lahi.
Pedring: Wa bitaw ko kasabut aning religion, Quiel. Matag kinabuhi bilihon apan dahan naman kaayong tao nga mokunhod na ang bili nila.
Quiel: Basig laig dagan ning religious commerce nga di mag agad sa demand and supply.
Pedring: Aw, kon mao kanunay silang masulob-on matag agi nato. Kanus-a ka motugpa kay moadto pa kos Vietnam ug China?
Quiel: Karong taudtaud mo landing nako sa Cagayan ug Isabella. Lakaw na lang kay basig malangan tos Ramon o basig di to madayon. Kanang, inig abot nimos China, ’Dring, unsa namay ngan nimo.
Pedring: Depende. Kon babaye ilang pagtan-aw nako, Xiomai. Kon lalake, Lansiao.