Christmas wishes
Nyor Dako (ND): Motuo ba ka nga naay Santa Claus, Nyor?
Nyor Gamay (NG): Ginoo ko, kun wa ka manggungis, wa ka mangutana nako ana.
ND: Sige na, be child-like again so you can enter the gates of heaven.
NG: Ay nag labara akong ulo Nyor, kay di na ko mobalik sa duyan. Pero nganong nangutana man ka kabahin ni Santa Claus, Nyor?
ND: Buot lang unta ko mahibaw sa imong Christmas wish, Nyor. Di ba adto man ta mangayo ni Santa Claus sa atong wish?
NG: A, wish, wish, wish ra diay imong tuyo, Nyor. Be, ikay una. Unsa may imong lawishwish, kawayan?
ND: Buot ko nga ma-meet unta sa CDR King ang demand para sa ilang solar energy kit. Hapit kada adto nako sa mga branch nila, duna gyuy mangutana ning maong produkto. Ting init man rong pasko-ha mao nga maayong buwaran og solar panel atong atop para naa gihapon tay suga inig brown out. Wa bayay puas ang brownout ron.
NG: Makapadagan nag computer o makapaandar nag TV ilang solar kit?
ND: Dili Nyor. Tulo ra ka bombilya ang mapasiga ani. Kun gusto kag maka-padagag computer ug TV, murag kinahanglan ka mopalit og solar panel nga mobalor og P30,000. Pero dili pa gihapon ni makapa-andar og aircon.
NG: Mao ba Nyor? Unsa pay lain nimong wish?
ND: Nga ang atong mga engineer ug architect maka-desinyo og gaan ug barato nga foldable house. Para kun dunay laing dakong bagyo, pil-on lang ni, puston, isulod sa warehouse o ilubong sa yuta. Kawton ug itukod lag balik ining human sa bagyo. Gasto kayo kun magtukod kag lig-on nga building unya wa gihapoy kasiguro-an kay gasaka ang intensity sa mga bagyo ug linug.
NG: Nakakaon kag keso de bolang pan-os nyor?
ND: Nganong kaingon man ka ana Nyor?
NG: Mora man gug pang scientist man nang imong mga Christmas wish, Nyor. Unsa pay lain?
ND: Nga unta duna nay gagmay, barato pero kusgan nga projector type TV. Kusgan nga sa ingon maka-hatag siyag igong kahayag bisag udto para makakita kag Eat Bulaga. Unya gamay nga masulod ra sa bulsa sa imong jacket o sa bag. Unya barato nga makapalit ta. Maayo ni Nyor kay dunay katalagman dali mo rang mahipos. Be ikaw unsa may imong Christmas wish?
NG: Kun Sci-fi ka Nyor, showbiz ko. Di ba ni-adto man si Justin Bieber sa Tacloban?
ND: Correct ka, Nyor. Unya?
NG: Mao nga akong wish nga mo-perform si Miley Cyrus sa Bogo.
ND: Wa ka makakaog hilos ilaga, Nyor? Unya kamao ka mo-twerking?
NG: Kasayon! Mosaka pa kos stage.
ND: Morag di na lang ko molalis nimo Nyor. Merry Christmas na lang and a happy new year, Nyor.
NG: Same to you, Nyor.
