Kon mahiligon mo manguhag hulagway pinaagi sa pag drawing ug di ba kaha ginamit ang camera (Ma-digital, film o kaha cell phone) unya mahiligon mo motan-aw og maanyag ug unya duna usab kamoy mangihatagon nga kasingkasing, gihangyo kamo pag apil sa “Redeeming Beauty.”
Ang “Redeeming Beauty” usa ka sketch ug photo shoot for a cause karong Domingo, pitsa 24, mga alas tres ngadto sa alas singko sa hapon nga adto paga himuon sa The Henry Hotel. Nahimutang ang The Henry Hotel sa Banilad, duol sa flyover. Naa kini sa walang bahin sa dalan paingon sa Maria Luisa.
Ang buot moapil ning maong kalihukan/kalingawan moadto lang sa maong hotel ug mohatag og donasyon nga, labing minos mobalor lang og dos syentos singkwenta pesos. Ang maong donasyon para sa mga taga amihanang bahin ning atong lalawigan nga nag-antos karon sa epekto sa katalagman sa miaging bagyong Yolanda.
Ang mga subject ning maong “sketch and photo shoot activity for a cause” naglakip sa mga pinaka-maanyag nga kababayn-an sa Cebu. Kay gawas sa mga 12 ka kandidata para sa Miss Cebu 2014, mo apil usab sa maong activity ang past winners ug mga runner-up ning maong pageant.
Ang mga MISS CEBU 2014 FINALISTS nga mo participate ning maong kalihukan mao sila si: 1.Rhodora Marie T. Aloyon , 2.Crystal Star P. Aberasturi, 3.Hannah Marie J. Gore, 4.Ayn Ilya F. Ingking, 5.Margaret Tacy T. Manalop, 6.Kirstie Gayle S. Barbas, 7.Cheriemel Diane A. Muego, 8.Grace Anne Marie Y. Yap, 9.Eva Psychee S. Patalinjug, 10.Natasha Angela Manuel, 11. Pealyn Y. Hortelano.
Ang mga mananaug sa milabay nga mga tuig nga moapil usab karong Domingo mao sila ni: 1.MISS CEBU 2013 – Namrata Neesha Murjani, 2.MISS CEBU 2013 2ND RUNNNER-UP – Maria S. Gigante, 3.MISS CEBU 2013 3RD RUNNER-UP – Patricia Ann T. Estuart, 4.MISS CEBU 2013 4TH RUNNER-UP – Ely Rose Apple S. Angcon, 5.MISS CEBU 2012 FINALIST – April Ann Claire R. White, 6.MISS CEBU 2011 – Mia Zeeba Ali Faridoon, 7.MISS CEBU 2011 1ST RUNNER – Teffanie Lene E. Llamada, 8.MISS CEBU 2010 – Reena Elena Malinao, 9.MISS CEBU 2009 – Kris Janson, 10.MISS CEBU 2008 – Sian Elizabeth Maynard, 11.MISS CEBU 2006 – Ms. Stephanie Rose B. Señeres
Kining maong event gi-suportahan sa Bigseed, B, Cebu City Tourism Commission, Cebu Daily News, DYRC, The Henry Hotel, GraphicStar, Mr. Joe Almerez, Kaltex Kowboys, Macy’s Camera Shop, Marquee Photography, Make-up Artists Club of Cebu, Monochrome Magick, North Star ug OkRyan.
Gihinganlan ang maong kalihukan og Redeeming Beauty kay buot kini mopabalik sa kaanyag nga gitipakan sa Bagyong Yolanda.