Ni post ko sa akong status sa FB sa akong obserbasyon nga ang buwan sa Agusto maoy pinakadaghag party o kasaulogan.
Mitubag ang atong higala sa Texas nga si Myke Obenieta og -August is euphonious with awesome, right? :-)
Gawas sa “awesome” ni pareng Myke, nangahulogan usab ang August, isip adjective, og -“inspiring reverence or admiration; of supreme dignity or grandeur; majestic: an august performance of a religious drama.”
Tingali mas familiar kita ning ikaduhang djective nga gihatag sa www.dictionary.com -“venerable; eminent: an august personage.” This august body, panaglitan. Sigue kining gigamit sa modiskurso.
Wa ko magdahum nga daghang miduyog sa akong gi-post. Usa sa pinaka mahinuklugong tubag nag gikan sa atong heritage authority nga si Louie Nacorda. Matud pa niya -“Gie, in my research of patronal saints all over the Philippines, August turned out to be the month with the most number of parochial fieastas. I suppose this fact validates your finding too about August being the partiest month of the year?”
Salamat Louie sa imong info. All the while gatuo ko nga Mayo naoy pinakadaghag pista sa tibuok tuig. Gani gikaingon man nga kon moadto kag Bohol ning buwana, di ka gyud magutman kay kada adlaw duna man gyuy magpista. Mahimong lungsod o baryo o sityo o kapilya lang ang magsaulog apan wa kunoy adlaw sa Mayo sa Bohol nga way kumbera. Apan kon tibuok Pilipinas daiy basihan, pinakadahag pista ang buwan sa Agusto.
Sextilis ang tawag sa mga Romano niani dihang ikaunom pa kini nga buwan sa tuig. Dihang gidugang ang buwan sa Enero ug Pebrero, nahimo na kining ika walo nga buwan. Giilisan nila kinig ngalan -Agusto, gikan sa ngalan ni Agustus Caesar nga usa sa ilang emperor.
Tingali kay katapusan naman kining buwan sa di pa moabut ang mga bugnaw nga “ber” months, nahimo kining katapusang hunat sa mga dagkong kalihukan. Dili tanan ning mga kalihukan maayo. Panahon ang Agusto sa mga political unrest. Nianing buwana gipatay si Ninoy Aquino. Ang kadaghanan sa dagkong gubat sa Ireland nangahitabo usab ning maong buwan.
Apan kon ang ato lang hunahunaon mao ang mga dagkong kalihukan nga nagdalag gibug-aton daw mawagtang ang hudyaka sa Agusto. Mao nga nahinanglan kitag mascot nga festive. Sama ning gitawag nilag August clown nga si Auguste, nga daw antithesis sa grandeur sa August kay sa tanang clown siya ra may ordinaryo nga sinena ug nga kanunay kini siyang dimalason.