Scandals and betrayals in a YouTube world
Ning mga panahon diin ang video ni Wally may susamang gibug-aton sa mga taw sa mga bala ni Nur Misuari maka-ingon ta nagka YouTube na ang atong kalibutan.
Ambot kon matawag ba nato kini nga maayo nga trend. Pero sulod lang ning pipila ka semana, daghan na nga headline grabbing video ang mibutho.
Una ang kang Wally nga sex video. Unsa may naka pa “hit” ning video sa komedyante sa Eat Bulaga? Gawas nga sex always brings voyeurs (daghan gyud ang buot mamuso sa pakighilawas) nakaila man gud kita ni Wally mao nga napukaw ang atong curiosity.
Ang tinuoray nga naka pa scandal hinuon niini mao nga ang iya ra pong kauban sa noontime show maoy iyang na partner.
Ambot kon duna bay gibati nga sense of betrayal ang audience ni Wally nga sa iyang sigeg pabayot-bayot duna sad diay siyay gihimo nga heterosexual recording.
Dili hinuon issue ang promiscuity sa maong video kay na ila naman nga sexually charged ang mga sakop sa maong salida. Gawas pa wala may noontime show nga matawag natog wholesome. Kanunay nga magpa-ibog kining maong mga kalingawan, kon dili man sa ilang mga host, sa ilang mga dancer. Maingon tang sige silang ga-cultivate sa fertile minds sa viewers.
Tingali ma sina ang mga lalake nga nag fantasize ning maong dancer, kang Wally. Apan naa pud tingali nga mo identify kaniya ug nga para kanila extension nila si Wally. Vicarious pleasure kon tawgon ta. Mura bag avatar nila si Wally.
Ang laing video nga nang headline mao ang music video ni Miley Cyrus. Sa “Wrecking ball” ga hubo nga gasakay si Miley og usa ka wrecking ball. Gihimo niya kini human niya tila-i ang ulo sa sledge hammer.
Gi-ayo pag plano ni Miley ug mga kaubanan nga ang batan-ong singer mao na ang provocative sex symbols sa iyang panahon ug nga kinahanglan nga papason nila sa panumduman sa viewers ang mga kompetinsya niani nga sama nila ni Taylor Swift, Katie Perry, Lady Gaga ug uban pa.
Maayo ang timing ni Miley kay wala nay paradigm shakers karong panahona sa music industry. Murag gimingaw na usab ang mga taw sa kabadlungon sa Rolling Stones, The Who ug sa Oasis. Daghan pa ang mga babaye nga mas wild pa tingali ang gimmick kay ni Miley pero ang gadag hilas niya mao ang iyang pagka mainstream. Pun-an pa nga Disney child star ni siya.
Ang laing video nga nakakuha sa akong attention mao kining “Surprise Video” for Gigi Reyes’ 50th Birthday.
Si Reyes mao ang sinaligan ni Enrile nga giingong may relasyon kaniya. Dugay na kining maong video apan sa pagbuto ning Janet-Napoles-pork-barrel-scam daw dunay bag-ong meaning kining mga sayaw-sayaw sa staff ni Enrile uban kang Erap, Jingoy ug JV.
Come to think of it, scandals are mere betrayals of ideals and YouTube is feeding us with examples. Di ba SPO1 Maluibon?
