S is for Sports
Nyor Gamay (NG): Karon na nga adlawa ang duwa ni Sharapova ug Serena?
Nyor Daku (ND): Murag ugma pa man Nyor.
NG: Abi nakog karon. Maayo unta to kon karon.
ND: Kay ngano man, Nyor?
NG: Kay nidaug man ang San Antonio Spurs gahapon. So karon unta kay Sabado, mas dakug chance si Sharapova kay tulo ka S ang masudlag swerte. Spurs, Sabado, Sharapova.
ND: Unsa naman sad nang imong tuotuo Nyor? Lupig pa man nimong manguhaay og itlogs lawalawa ana. Tan-awa ra gud nang imong wrong spelling wrong. Puro gud na S tanan. Si Serena Williams, S ang beginning sa ngan. Ugma sad Sunday so Saturday pa sa ila unya ang Sunday S man pud na.
Article continues after this advertisementNG: Puros man tuod diay na sila S.
Article continues after this advertisementND: Pero murag pildihunon man gyud si Sharapova Nyor.
NG: Ayaw ana Nyor.
ND: Sa 15 nila ka duwa Nyor, ka tulo ra kadaug si Sharapova ni Serena Williams. Mao nga kon S basihan dakog purohan nga runner-up ras Sharapova ni Williams, Nyor.
NG: Unsa na nga S Nyor?
ND: Statistics
NG: Laaya nimo Nyor uy.
ND: Nganong laban man kang Sharapova nga di man mo paryinte.
NG: Defender of Beauty gud ko Nyor.
ND: S man sad diay ka Nyor?
NG: Unsang S?
ND: Simang. Sports ang topic beauty tirade.
NG: Nyor, kon motan-aw gud kas duwa nila sa TV, Nyor, unya modaug si Sharapova, Inig katuog nimo, damguhon kag nindut.
ND: Kay nganon man diay og si Williams ang modaug?
NG: Kuyaw sa urom Nyor.
ND: Pagka hanggaw. Unya asa man ka sa Spurs ug Heat?
NG: Spurs ko Nyor.
ND: O? Di diay ka global Pinoy?
NG: Wa na lay Parintihay Nyor uy. Mas maayo gyud nga team ang Spurs. Balnasi silas tag-as ug mugbo. Maayo sang pagkabahin ang mga batan-on og tiguwang. Unya murag mabalhibuan pud si Lebron James sa tulo ka karaan sa Spurs nga sila ni Tim Duncan, Manu Ginobili ug Tony Parker. Naguna man gud ni niya pagka champion mao nga kuyawan siya ani nila. Kaganina murag magpanagana siyag itsa.
ND: Pero di na maoy hinungdan kon nganong mulaban kas San Antonio Spurs batok sa Miami Heat.
NG: Tungos kay San Atonio ang patron sa amo. Di Nyor uy. Wa na bay a koy simbasimba.
ND: Dili milaban kas San Antonio Spurs kay parihag edad nimo ang mga players nila. Gusto ka ma batan-on pagusab.
NG: Nyor, kon buot baya nimo hunahunaon manghud ra kaayo na nato ang mga tguwang nga players nila.
ND: Aw hinuon.
