Congrats sa PNP Talisay
Wa na gyud makasibat si Dodong Joavan Fernandez sa kapulisan sa dakbayan sa Talisay pinangulohan ni Supt. Elmer Lim dihang gidakop kini niadtong Lunes sa gabii sa panimay sa iyang amahan nga si Mayor Socrates Fernandez.
Mao lagi ni ang akong giingon kaniato nga kun magkugi lang sa trabaho ang kapulisan di gyud lisod dakpon si Joavan.
Ang kanahan nga Joavan namasangil pa kang Lim nga mibun-og kaniya ug nagtumo-tumo pa nga planted ang mga nasakmit sa iyang possession nga armas, granada, mga bala ug ubang ebidensiya.
Kun buotan pa si Joavan, usa na ko sa motuo sa iyang depensa. Pero sa iyang pagkabadlungon wa na siyay kredibilidad mamasangil sa atong mga awtoridad.
Kun tinuod man siyang gibun-og sa mga pulis nganong wa man siya magpakuha og video sa mga tigbalita? Mao ni ang duwa sa mga traydor.
Kun tinuod man siyang gibun-og ug gilamparo, dili pa kini paigo nga silot sa iyang pagkabadlungon.
Article continues after this advertisementKun akoy pulis magbutang-butang og ebidensiya, di ko mag-alang-alang. Puslan man nga wa gyud mausab ang iyang pagkabilyako may pag butang-butangan siya og tunga sa kilong shabu aron dili na makagawas.
Article continues after this advertisementNiining dakopa ni Joavan daghang taga-Talisay ang nipadayag og kalipay ug nagpasalamat sa hepe sa kapulisan ug sa mga sakop sa Philippine National Police.
Pero unsa to ang akong nadunggan nga mihulga si Mayor Socrates Fernandez kang Lito Tecson, photographer dinhi sa Cebu Daily News nga ilang ikiha sa Commission on Human Rights human wa mananghid kanila nga mikuha og hulagway sa mayor?
Pastilan sab ni Mayor Soc! Wa na lang nimo kuwentaha ang gihimong mga human rights violations ni Joavan ngadto sa iyang gipangbiktima sa pagkasalbahis.
Kudos nilang Lim!
Kun buot hunahunaon angay pa nga magpasalamat si Mayor Soc sa kapulisan nga nahipos na ang iyang adopted son kay basig ning lima ka adlaw nga nahibilin sa dili pa ang eleksiyon mosalida na sab ning kanahan.
* * *
Kumusta na man tawon akong amigo nga si former Cebu City Councilor and former City Traffic Operations Management Chairman Sylvan “Jack” Jakosalem?
Sukad naospital si Jack wa na gyud tawon siya makakuyog sa grupo sa iyang mga kaalyado sa politika isip kandidato pagka-Cebu City Councilor sa north district.
Kun himsog pa lang si Chairman Jack daku kaayo siyag matabang sa ilang partido sa mga campaign sorties tungod sa iyang pagka-competent, popularity ug sa pagkamaayong tawo.
Ngan nga dehado ug baldado ang panglawas ni Sir Jack moapelar na lang ko sa mga botante sa north district nga dili kalimtan ang iyang pangan sa balota karong Lunes.
Mamasin lang ko nga kun siya modaug pagka-konsehal makapaalim kaniya og sayo ug aron makabalik siya sa pagpangalagad sa katawhan.
* * *
Ubay-ubay na karon sa atong mga kasundalohan apil na ang usa ka Army major ang gipang-ihaw sa managlahing enkuwentro batok sa mga rebelde ug mga teroristang Abbu Sayyaf sa Negros Occidental ug Basilan.
Subo kining palandungon kay duol na ang piniliay unya anaa kining mga panghitabo.
Magamit unta ning maong mga sundalo pagbantay sa election.
Di ko gusto nga mamasangil sa atong armadong kusog nga mihinay kini tungod sa corruption sa budget nga maoy naingnan nga di kita makapalit sa insaktong mga armas ug kagamitan tungod kay bag-o na ang liderato.
Ako na lang alam-alaman ang akong kaugalingon sa kamatuoran nga mas daghan ug puwersa karon ang mga rebedelde ug mga terorista kay sa atong kasundalohan kay giwagtang na man ang Reserve Officers’ Training Corps (ROTC).
Sukad nawa ang ROTC daghan nang bayot ug nagbaha na ang mga rebelde.
* * *
Naglibog ko kun nganong nasudlan ug mga turista ang Mayon Volcano taliwa sa pagbuga niini og aso nga miresulta sa kamatayon sa lima ka mga langyaw nga mga mountaineers.
Asa man ang mga lokal nga mga opisyales ug mga awtoridad? Wa makabadlong kay maayong pagkatingal?
Kinahanglang imbestigahon kini kun nganong natugtan nga makasaka taliwa sa karisgo.
