Ugmang adlawa masayran na kon mosayaw ba si Gobernador Gwen Garcia sa iyang ika siyam nga sayaw isip gobernador sa Sugbo.
Tingali mosayaw siya pero dili kini ang iyang ika siyam nga sayaw isip gobernador kon dili iyang unang sayaw isip “suspended governor.”
Dagahan ang mituo o ingnon ta lang nga naglaum nga ang iyang sayaw halad alang sa balaang bata maoy mahimo niyang “graceful exit” sa opisina diin siya buot palagputon sa nasudnong kagamhanan. Iyang ihalad ang maong sayaw-kanaug alang sa paghiusa sa iyang pinalanggang dakbayan nga iyang gisilbehan sa tulo ka termino.
Apan ang uban nga buot nga siya ang magpapabiling gobernador na balaka nga kon mogawas siyag mosayaw basig trangkahan ang portahn sa iyang opisina ug nga sa ingon di na siya makabalik.
Dili lang ang pabor kaniya ang nabalaka sa iyang pagsayaw. Ang mga kontra niya sa politika nabalaka usab nga basig bigalbugalbugalan siya ug samukon ang iyang pundok sa sayaw.
Kabahin sa trankahanay og portahan mipaslig si ating governor Agnes Magpale nga di kini buhaton sa iyang pamunuan. Apan mihangyo kini nga di na unta gamiton ni Gwen ang ngan sa lalawigan kay wala naman siyay katungod nga mogamit niani tugos sa nakuha niya nga suspensyon.
Kon mosayaw man gani ang suspendido nga gobernador adto siya mosayaw sa Rosquillo Festival deligation. Ang Rosquillo Festival deligation iya sa lungsud sa Liloan diin ang mayor nga si Duke Frasco, iyang son in law, kay bana man kini sa iyang anak nga si Christina.
Nianing tungora daghang kanta kabahin sa sayaw nga mosulod sa akong bagulbagol. Lakip niani ang “You Should Be Dancing” sa Bee Gees. Usa sa mga stanza niani nagkanayon og:
“She’s juicy and she’s trouble/She gets it to me good/My woman gives me power/Goes right down to my blood.”
Matud pas pipila nga nakasinati kang Guv, ang Carpenters ang iyang paborito nga recording artist. Ug tungod niani nakahinumdum ako sa kanta sa Carpenters nga “Touch Me When We’re Dancing.” Ania ang unang stanza sa maong kanta:
“Play us a song we can slow dance on/We want to hold each other/Play us a groove so we hardly move/Just let our hearts beat together/Oh baby, ’cause it feel so good/When we’re close like this/Whisper is my ear and let me steal a kiss.”
Kining maong stanza mahimong allegory alang kang Gwen ug sa iyang mga dumadapig.