Sinulog trivia quiz

Be, be, tan-awon tag suhito ba gyud mo aning Sinulog kay kada tuig baya ni natong gisaulog. Andama ang inyong ballpen, sirkuli ang tubag nga alang kaninyo maoy haum sa pangutana. Okay? Ready, 1, 2, 3, Pit senyor!

1. Unsa man ang material sa original nga imahin sa Sto.Niño nga giingong milagroso? a) kahoy b) ivory c) aluminum d) bildo

2. Kung mudayon og sayaw si Gwen Garcia karong Domingo, ikapila niya kining sayaw isip gubernador? 1) 3 2) 6 c) 9 d) 12

3. Unsang tuiga nga may gi-disqualify nga kandidata sa Miss Cebu tungod kay na “short” kinig pipila ka adlaw sa required nga edad? a) 2006 b) 2007 c) 2008 d) 2009

4. Kinsa may mayor sa dakbayan sa unang pagsaulog niani sa Sinulog? a) Ronald Duterte b) Yoyong Borres c) Tomas Osmena d) Florentino Solon

5. Unsa may gidawat sa kadaghanan nga tinubdan sa pulong nga Sinulog? a) sine b) ulogulog c) suog d) daugdog

6. Unsay ngan sa Katsilang sundao nga nakakita sa imahin sulod sa usa ka pinuy-anan nga ilang gisunog? a) Juan Batista b) Juan Camus c) Juan Ponce Enrile d) Johnny Pusong

7. Kinsa may ga-organize sa unang Sinulog Parade? a) David Oakley b) David David c) David Odilao d) David Ong

8. Unsang tuiga nahitabo ang “cellphone controversy” sa Miss Cebu? a) 2007 b) 2008 c) 2009 d) 2010

9. Unsay gipasabot sa “Pit” sa Pit Senyor? a) Sampit b) armpit c) snake pit d) Brad Pitt

10. Ikapilang bangga sa Sinulog Short Film ug Documentary contest karong tuiga? a) 8th b) 9th c) 10th d) 11th

11. Unsay gitawag sa Miss Cebu pageant pagsugod sa Sinulog? a) Mutya ng Cebu b) Miss Cebu Eco Zone c) Miss Cebu Charity d) Miss Cebu Tourism

12. Kinsay nakakuha sa Best Picture/Documentary sa miaging tuig? a) Aldo Banaynal b) Ruel Antipuesto c) Reynan Villena d) Ruel Rosillo

13. Kinsay Festival Queen sa miaging tuig? a) Shekina Lasola, b) Nerrisa Modesto, c) Apriel Smith d) Conchita Yu

14. Kinsa may gitagaan ni Magellan sa imahen sa batang Ginoo? a) Hara Habagat b) Hara Amihan c) Hala Daya, d) Hara Silangan

15. Ikapilang Higayon nga nakuha sa Carcar ang unang ganti para sa Sinulog sa Kabataan Provincial Edition? a) 2 b) 3 c) 4 d) 5

Tana-awa kunog sakto ba inyong answer. 1) a 2) c 3) b 4) d 5) c 6) b 7) c 8) b 9) a 10) b 11) d 12) a 13) c 14) b 15) b

Kung mag-score kag 0 ngadto sa 5, medyo may pagka-snob ka. Mahimong dili ka taga-diri o supak sa imong pagtuo ang maong kasaulogan.

Kung mag-score 6 to 10 medyo linga ka o short ra imong memory. Buot kang magpakisayod apan dali ra kang makalimot.

Kung mag-score kag 11 to 15 medyo hilabtanon ka ug apilapilon ug dali kang makakitag lalis basta facts and figures na maoy hisgotan.

Maayong pagsaulog sa Sinulog.