Ghost Stories

Duna kunoy “ghost word.” Mao kini abg pulong nga wala gisulat sa author sa libro apan mitunga sa printed nga version sa libro.

Kon unsa man gani charm o mystery ning ghost word murag midungan ra sad sila paglubad sa appeal sa printed materials. Kay kon dunay ghost word karon sa internet moingon naman lang ang tanan nga gi-hack kini.

Tingalig giduka ra ang typist ug copy editor maong mibutho kining ghost word nga wa gisulat sa writer.

Kani karong kagubot sa America kabahin sa report sa Benghazi diin dunay pipila ka US diplomats nga gipatay sa Al Qaeda pag anniversary sa 9/11 karong tuiga. Nakahibawo na kuno daan ang ilang kagamhanan nga usa kini ka terrorist attack apan naunsa man kuno nga ang unang statement sa White House miingon man nga biktima ang maong mga diplomat sa usa ka spontaneous riot nganag gikan sa protesta sa us aka anti-muslim nga pelikula sa youtube.

Unsa may mahimo tang itawag ning sugilanon nga mibutho lag kalit bian kon wala kini sa initial report? Ghost phrase? Of course ang extreme right ug mga conservative mihatag na sa ilang panahom nga ang maong hitabo usa ka cover-up sa Obama administration para dili kini maakusar og negligence niadtong gapadung na ang election.

Hinuon kadaghan na kita makadungog kabahin og mga ghost ships ug ghost islands. Usa ka version sa ghost ship mao ang optical illusion sa us aka barco nga wa diay diha. Ang laing verion mao angusa gyud ka tinuod ug physical nga barko nga daghan pang mga butang sa sulod niani apan walay bisag us aka tao ang makit-an sa sulod.

Ang pinakabag-ong report sa usa ka ghost island mao kining isla nga duol sa Australia nga naa sa tanang maritime maps ug ingon man sa google earth apan matud sa mga bag-ong explorers di nila makit-an. Sandy Island ang gitawag sa mga mapa niani. Puros ra dagat ang ara diin gibutang kining maong isla sa mga mapa. May miingon nga usa kini ka karaang sipyat unya gipangkopya lang sa uban.

Nakadungog namo og ghost saints? Dunay mangutana kon Santos pa si Saint Christopher ang higante nga giingong gikan sa Lebanon nga motabang sa mga tao paglabang sa suba human kini tangtangi og pista ni Pope Paul VI kay gidudahang dili historically accurate ang mga giingong panghitabo atoll sa iyang feast day. Pero bisag wa na kini pitsa wala mobabag ang simbahan nga i-venerate kining si St. Christopher.

Pero dunay uban nga gitangtang gyud sa simbahan ang ilang pagkasantos ka walay historical data ang ilang existence. Sila mao si Simon, Philomena, Ursula, Dorothy ug uban pa.

Tingali ang labing duol nga pulong para ning mga daw kalag nga mga tao o butang mao nag kintasila nga “phantasma” nga nagkahulugan og “something existing in perception only.”