Death and the fantasy machine

Model gipatay sa model. Hinungdan: Libak. Ang libak -nga mabdos ang suspect ug nga aduna na kini duha ka anak.

Gatuo ang amiga ni Juie Ann Rodelas, 20 anyos, nga si Althea Altamirano, nga gi-trayduran siya niani. Traydor nga sa ingon nga nanabi kini nga mabdos siya ug nga duha nay iyang anak. Tinuod nga duhay iyang anak.

Tungod niani, gi-trayduran usab ni Altamirano si Rodelas. Gidala niya kini sa sinehan ug gipasaligan nga duna silay talent agent nga pakigkitaan inig human nilag panan-aw sa sine. Apan gisabut na diay ni Altamira ang iyang uyab nga gihinganlag JR nga kuhaon kini sa rodelas aron tudluan og leksyon.

Apan samtang kuno gibilanggo nila si Rodelas may miapas nga tao ni JR nga mipaimos ni Rodelas. Kining maong tao, nga gihingan nilag Aldos, mao say giingon mipusil patay kang Rodelas pagka sunod adlaw.

Ang usa sa mga kidnapper ni Rodelas mao ang us aka Muslim nga gihinganlag Waraji. Si Waradji amo miasoy sa maong kidnapping ug karon giplanuhan na sa mga awturidad nga himuong state witness. Dihang gipangutana si Waraji sa mga TV stations kon unsay motibo ni Altamirano sa pagpakidnap ni Rodelas, simple ra kaayo ang tubag niani –“inggit.”

Daw Biblical, daw nahimong Cain si Altamirno sa Abel ni Rodelas. Iya man kining prodigy si Rodelas, gani siya may ga train niani ug mitabag pangitag mga talent agent para niani. Ug kon si Cain nasilo ni Abel nga daw gipaboran sa Ginuo, si Altamirano nahiubos nga mas pabor ang mga muhatag og modeling assignment kang Rodelas, tungod kay dalaga pa kini ug mas bata. Mituo siya nga gipanabi siya niini nga mabdos ug duha nay anak ug mao tingai hinungan nganong di na kaayo siya halinun isip modelo.

Pero ngano man diay kon anggkan? Nganong ma minus man ang iyang assignment nga hitsuraan pa man gihapon siya?

Sama sa mga artista nga bisag bayut i-package gyud nga lalake, kining mga models gihulma usab alang kaibgan, himuong objects of desire o objects of fantasy. Mao nga mga itum tirahag gluta, ang angkan ipakit nga dalaga. Tingali para pag dani sa sponsor para ganahan kini sila mobirig ug mo pagawas og kwarta.

Si Rodelas biktima sa kasina ug sa sipyat sa plano. Apan sama kang Rodelas, si Altamirano ug ingon man ang iyang mga kauban, biktima ning makina nga tigmugna og pantasya.