Nyor Daku (ND): Duwa tag hide and show, Nyor
Nyor Gamay (NG): Hide and seek tingali, Nyor. Kay wa may hide and show. Kiss and tell pa tingali o see and be seen.
ND: Ah, ikaw na lay duwa og imo Nyor.
NG: Mabawa sad nimo lubot Nyor, uy, dali mang kaayo ka mang loud. Unsa man nang hide and show nimo kay ato na nga duwaon?
ND: Current events ran i Nyor. Isulti ang kon unsay gipakita o gitaguan sa us aka hitabo.
NG: Ah, maoba? Be, ikay una Nyor.
ND: Si Nakoula Basseley Nakoula, ang Kristianos nga Egyptian nga estapador nga hawud sa dispalko mi show sa iyang kalagut sa Islam pinaagi sa paghimug trailer sa us aka pelikula nga malagmit dili na gyud mahimo -ang “Innocence of Muslims.” Pero paghuman ni hide kini ginamit ang lain-laing mga alias. Hinuon na kit-an ra man kini siya sa mga awturidad sa America. Wala ba hinuoy gipasaka nga kaso batok kaniya.
NG: Ah, ingon ana diay Nyor? Kini Akoa. Si Prince William sa England ug ang iyang kapikas nga si Catherine, Duchess of Cambridge mi-hide gikan sa public view apan ang ilang hagwa sa hamugaway nga pribadong lugar diin ga topless si Catherine ug si William mipahid og lotion sa lubot ni Catherine nakit-an man sa taas nga linte sa paparazzi ug mao nga na show kining ilang parayeganay sa mga pamantalaan sa France (diin didto sila namakasyon), Ireland, Italy Denmark ug Sweden.
ND: Diay lain nako Nyor. Gi hide ni P-Noy ang mission ni Senador Trillanes sa China apan gi show kini ni Senate President Enrile human gi show ni Trillanes ang posibling mga hinungdan nga gi-hide ni Enrille (sama sa connection niani kang kanhi president Gloria Arroyo) sa iyang pagpadali sa pagbuak sa Camarines Sur.
NG: Murag ang tuko may gapasiugda aning show and hide, Nyor. Sound and hide lang tong iya. Di ba mutago man ang tuko unya manawag, magpapangita.
ND: Mao ba Nyor abi nakog weather forecaster nang tuko. Di ba ana man na Nyor –tuko! Uwan? Tuko! Init? Tuko! Uwan?
NG: Di na siya weather forecaster nyor. Mas duol nas strip teaser ang tuko. Ana na Nyor –tuko! (Tag-ana asa ko?) Tuko! (Wa koy saput!) Tuko (Pangitaa ko.)
ND: Pagkalaw-ay anang imong tuko, Nyor.