Copy, paste, translate, read (understanding not required)

Dihang nag-shooting ang magazine show sa GMA 7 nga Mel and Joey sa may Magellan’s Cross sa may Sto. Niño pipila na ka tuig nga milabay, nahinabi namo si Joey de Leon.

Usa sa among pangutana kaniya kun kinsa sa mga bag-ong komedyante ang nauyunan niya. Wa siyay napilian apan miingon siya nga ang problema sa mga bag-ong komedyante mao nga dili na sila maoy mosuwat sa ilang mga linya. Mipadayon pag-ingon si Joey nga para mahimo kang maayo nga komedyante kinahanglang kahibawo ka mosuwat.

Ug karon nga nadiskobrehan ang pagka-serial plagiarist ni Tito Sotto makapangutana kita kinsa man diay tigsuwat sa mga linya-pakatawa nila ni Tito, Vic and Joey niadto?

Ug kay sa tulo ka mga hanggaw si Tito man maoy pinakadili makalingaw, tingali siya maoy di kamao mosuwat. Kun tubayan ta ang giingon ni Joey nga kinahanglan kahibawo mosuwat ug nga di man diay kahibawo mosuwat si Tito Sotto, siya bay tigsuwat para sa iyang amigo? Ug kun siya man gani ang tigsuwat para ni Tito niadto, siya ba kaha gihapoy writer niani karon?

Will Tito Sotto’s speech writer please stand up?

Kun dili makatangtang si Sotto sa iyang speech writer, panahon na nga tangtangon ni Sotto ang iyang ambisyon nga ma-vice president. Mahimo ra siyang asset batok sa Reproductive Health bill kun iyang tak-umon iyang baba kay basig makayawit na usab siyag kinopya. Itugyan na lang niya ni Enrile ang pagbabag sa maong balaud ug di na lang siya moeksena, di na lang unta siya mopapel. Way di mahimo si Enrile nga mahimo niya.

Hoy, mga mafia sa Simbahang Katoliko badlunga na intawon ni ninyos Sotto kay gapakauwaw lang ni ninyo. Prankahi ninyog sulti nga di mo motabang niya sa iyang mga uban pang politikanhong ambisyon para moundang nani siyag kiat sa pag-copy/paste sa sinuwat sa uban nga mobutho sa iyang mga diskurso.

Kay kun di ninyo siya masanta mora ra kini siyag gihimo ninyong sacrificial lamb sa inyong krusada. Ang nakaparat lang kay kanding kini ug dili karnero.

Hoy, speech writer ni Sotto, patya sa kuno imong router kun magsuwat ka para di na sab ka matintal og pangopya.

Juan Ponce Enrile, Noy, pitula na kuno ning imong bata-bata nga nagkanguhal og litok sa iyang mga kinopya. Scavenger of ideas naman diay ni siya. Ma-scavenger mo dihang tanan sa Senado. Mao tingali nga nagkahamos na ang iyang panagway kay wa na siyay tulog sa pagpanguykoy sa blog sa uban.

Joey de Leon, intawon dodong, nahibawo ka man sa importansya sa pagsulat, tagai kunog maayong speech writer imong amigo.

Ispirito ni Vicente Sotto, lusia kuno ang bulog aning surambaw mong apo nga miingong wa kuno siya mangopya kay ang “idea” iya ra kunong gitinagalog.

Ania ang pag-Tinagalog ni Sotto sa diskurso ni Robert Kennedy:

Robert Kennedy’s speech:

Few will have the greatness to bend history; but each of us can work to change a small portion of the events, and in the total of all these acts will be witten the history of his generation.

It is from the numberless diverse acts of courage such as these that the belief that the human history is thus shaped.

Each time a man stands up for an ideal, or acts to improve the lot of others, or strikes out against injustice, he sends forth a tiny ripple of hope, and crossing each other from a million different centers of energy and daring those ripples build a current which can sweep down the mightiest walls of oppression and resistance.

Tito Sotto’s speech:

Iilan ang magiging dakila sa pagbali ng kasaysayan, subalit bawat isa sa atin ay maaaring kumilos, gaano man kaliit, para ibahin ang takbo ng mga pangyayari. Kapag pinagsama-sama ang ating munting pagkilos, makakalikha tayo ng totalidad na magmamarka sa kabuuan ng kasaysayan ng henerasyong ito.

Ang mga hindi mabilang-bilang na iba’t ibang galaw ng katapangan at paninindigan ang humuhubog sa kasaysayan ng sangkatauhan.

Tuwing naninindigan tayo para sa isang paniniwala, tuwing kumikilos tayo para mapabuti ang buhay ng iba, tuwing nilalabanan natin ang kawalan ng katarungan, nakalilikha tayo ng maliliit na galaw. Kapag nagkasama-sama ang mumunting galaw na mga ito, bubuo ito ng isang malakas na puwersang kayang magpabagsak maging ng pinakamatatag na dingding ng opresyon.