Kinsay ipuli ni Robredo?

Dili kinahanglang abogado ang maglingkod pagka Secretary sa Department of Interior and Local Government (DILG).

Mas kampante ko nga may insaktong background sa law enforcement ug ligdong ang pagkatawo sa mohulip kang Jesse Robredo.

Gawas kang kanhi Department of Tourism secretary Ace Durano, way laing Sugbuanon nga atong ikarekomendar?

Dunay ubang mga pangan ang milutaw karon nga maoy mohulip sama nila ni Cavite Rep. Joseph Abaya, former Isabela governor Grace Padaca, Manila Mayor Alfredo Lim, Davao City Vice Mayor Rodrigo Duterte nga mi-decline na, Vice President Jejomar Binay ug Sen. Panfilo Lacson.

Maglaum ko nga ang ibutang sa maong pwesto sama kang Secetary Robredo nga pwerte gyung kugihana.

* * *

Salamat sa management sa Cebu Eastern College (CEC) nila ni sir Jeff Go ug sir Sammy Sia nga misanong sa among hangyo pinaagi ni Rommel Manlosa sa Sun.star nga ilang ipagamit ang gym sa CEC alang sa among opening karong Sabado sa buntag sa 2012 Cebu Press Freedom Basketball Cup.

Among gisayo pag-abli ang liga tungod kay sa petsa 22 sa Setyembre mao nay culmination sa Press Freedom Week ug ning panahuna among gi-target nga maduwa na ang championship ug inig ka gabii mao na ang awarding.

Maglangkub ug upat ka teams ang maong torneyo nga gikan sa mga nagkalain-laing beat sama sa Palace of Justice/Capitol beat reporters, Cebu City Hall beat reporters, police beat reporters ug sa sports.

Ako sang usbon among pasalamat sa tagdumala sa San Miguel Corp. pinaagi nila ni Ma’am Girlie Garces ug mga dagkung opisyal sa SMB nga maoy mo-shoulder sa uniporme sa mga players ug sa way puas nga tabang sa mga convenors sa among dakung kalihukan sama nila ni Ma’am Eileen Mangubat sa Cebu Daily News ug ni Ma’am Michelle So sa Sun.star Daily.

Karong petsa 16 ikatulong Domingo sa Setyembre maoy formal opening sa 2012 Cebu Press Freedom Week nga sugdan kini sa dakung parade nga langkuban sa tanang mga media outlets ug sundan sa Santos Nga Misa.

Misabak sab ning maong kalihukan ang Cebu Broadcaster’s Month nga buksan sab kini karong Domingo petsa 2 nga pasiugdahan sa Kapisanan ng mga Brodkaster ng Pilipinas.

Sumpay sa kasaulogan sa Cebu Press Freedom Week ang among pundok kagahapon nga mga tigbalita sa Palace of Justice nga gitawag ug Media Alliance for the Law, Liberty, Equality and Truth (MALLET) nagpahigayon ug eleksyon alang sa new set of officers.

Buot unta sa akong mga kaubanan nga ibalik ko sa pagka-presidente apan mi-decline ko aron kahatagan og higayon ang uban unya gawas pa sab daghan na kaayo kog trabaho.

Akong i-congratulate ang mga napiling opisyal. Ang presidente mao si Gerome Dalipe sa Sunstar, vice president Joseph Tubilan sa Super Balita, Kevin Lagunda pagka-secretary sa Sun.star, treasurer si Mylene Manto sa The Freeman ug press relations officer si Ador Mayol sa Cebu Daily News.

* * *

Congratulations sa Lahug Christian School (LCS) Basketball team nga midaug niadtong Sabado sa elementary division batok sa Mizpah College sa 1st Inter Private School Basketball tournament nga gipahigayon didto sa Subabasbas Gym sa dakbayan sa Lapu-Lapu.

Matud pa ni teacher Cedric Carbilledo sa LCS nga duna gyuy potential ang mga estudyante sa lain-laing tunghaan ug tungod sa grabeng depensa maoy hinungdan nga gagmay ra og score.

Ang LCS mikulit og 14 puntos samtang ang Mizpah hapit makagukod pinaagi sa ilang 11 puntos.

Sa 1st game, High School Division gipilde ang Mizpah College sa score nga 36 sa Adonai Asian Academy.

Pero pwerteng sikita sa duwa kay 38 puntos lang ang sa midaug.

Samtang sa third game, High School Division, midaug pagbalik ang Adonai Asian Academy sa score nga 31 batok sa Saint Augustine International School sa score nga 28.