Nyor Gamay (NG): Unsa may ganahan nimo nga mga salida sa sine Nyor?
Nyor Daku (ND): Kanang libre, hehehe. Bitaw, Nyor ang mga salida nga giganahan kaayo ko nahitabo man sad nga libre kay gipasundayag man sa mga film festival sa Ayala. Ang mga ganahan gyud nako mao ang gikan sa mga nasud sa Israel, France ug Japan.
NG: Nganong ganhan man ka sa ilang mga pelikula nyor? A, kahibawo nako. Ganahan ka sa ilang ma pelikula ka daghan mang hubohubo.
ND: Aw, apil na na. Kinsa may di ganahan og hubohbo? Ikaw di ka ganahan?
NG: A…
ND: Ay nalag pabuangbuang gud. Kanang hubohubo, icing on the cake ra na o sa ato pa, panit sa lechon. Kay suma pas mag skolar ang tanang sugilanon gatuyok ras duha ka tema: sex ug kamatayon. Ug ang mga pelikula ning maong mga nasud di mamiluk sa ilang panglantaw ning duha ka tema.
NG: Aw malipay diay ka karong adlaw, Nyor, kay “eiga sai” nasad.
ND: Japanese Film festival napud?
NG: O. Adto pa ning Martes ga sugod. Karong adlawa, dunay “Ninja Kids” inig 1.30. Dayon sundan kini sa “In His Chart,” 4.30; dayon “Villain” sa 7 p.m. Ugma 1.30 p.m. dunay “Colorful.” Sundan sa “Happy Flight” inig 4.30. Ug ang katapusan nilang pasundayag mao “Permanent Nobara.”
ND: Unsa may i-suggest nimo nga akong, tan-awon, Nyor?
NG: Murag maayo ning “Ninja Kids” para nimo Nyor para di ka kitag hubohubo kay pang bata man ni. Pero ang director niani mao si Takashi Miike nga naila sa iyang mga violent nga pelikula sama sa “Audition.” Hilig kaay ni siya anag mga pagdagmal sa lawas. Mga nawong nga pang hiwaon, mga manok nga himulbulan. Pero kining “Ninja Kids” mao kini ang iyang pang pamilya outing, pang wholesome. Makit-an nato ang iyang restrain ug versatility nganhi.
ND: Nindut na tingali da. Mga bata nga gi-train pagka ninja. Ang title mopahinumdom sad nako sa “Kamikaze Girls.” Hain na kaha si Anna Tsuchiya?
NG: Maria Ozawa fan ka uy. Nangita pa gyud kang Ana Tsuchiya.
ND: Ayg pabuangbuang diha Nyor. Kahibawo baya ko nga ikay presidente sa Maria Ozawa Fans Club, Labangon Chapter. Bisag tga Guadalupe ka. Be, unsa pay lain nimong suggestion nga maayo tan-awon?
NG: Pili lang. Kining “Permanent Nabora” naa magtuyok sa usa ka beauty parlor diin ang mga babae mag swap og green jokes ug mga sugilanon sa ilang pagmahay sa ilang mga lalake. Samtang kining “Colorful” may pagka supernatural kay kabahin man kini sa kalag nga misulod sa lawas sa batan-ong lalake nga bag-o lang gahikug. Kabahin sa usa ka doctor nga misugod pagtuki kon unsa gyuy tumong sa pagpanambal kining “In His Chart.” Ang “Happy Flight” kabahin sa crew sa eroplano nga mibalik sa agi human makabangga ug langgam. Kaning “Villain” murag love on the run kay kabahin sa relasyon sa usa ka sales girl ug sa usa ka murderer ug sa ilang paglikay sa balaud.
ND: Murag nindut na nga line-up Nyor. Maytag makakita kos tanan kay gawas nga libre ang pulta interesting pa gyud ang mga plot. Wa naman koy tan-awtan-aw og sine Nyor kay gawas nga mahal puros pa gyud superhero ang mga pasundayag. Daw wa nay salida kabahin sa mga ordinaryo nga tao ug sa ilang kinabuhi nga mogawas gikan sa Hollywood. Gali murag wa namay klarong sugilanon puros naman lang luksolukso ug patidpatid.
NG: Unya ang ilang hubohubo tipsingtipsing ra ara maka PG ug maka income og daku.
ND: Mao. Busa ugma dad-a tanag sakop nimo sa Maria Ozawa Fans Club kay manan-aw tag “eigs sai.”