Star Spangled China and the outsourcing blues
Nyor Daku (ND): Nyor naa koy LA Lakers nga jersey Nyor, pinalit nakong Dodoy. Nindot nang iyang mga baligya Nyor kay sinak-an man gud na niyas barko sa supplier sa mga ukay-ukay, Nyor.
Nyor Gamay (NG): Wa na nay ayo ang Lakers Nyor. Miami Heat nay hawod ron.
ND: Sige lang gud, Nyor, jersey ra bayay gipanghambug nako nimo. Ay lag kasakit anang Lakers di bitaw nato na sila kaila.
NG: Ay bati na imong jersey uy. Di man na orig. Pilay pusta made in China na.
ND: Ngano man diay og made in China Nyor? Di na diay na orig?
NG: Naunsa man ka Nyor, mura man kag now only. Kita baya kas gipangladlad sa mga tindahan sa Colon. Asa man na gikan nang mga pirated nga Nokia, be?
Article continues after this advertisementND: China.
Article continues after this advertisementNG: Unya kadtong gikabuangan sa una nga Lacoste nga mas dagku ang buaya, diin man to gihimo?
ND: China.
NG: Tan-awa ra. Kanang imong Lakers nga jersey, fake na.
ND: Unya Nyor, asa man gapahimo ang Nokia, nga taga-Finland, sa ilang mga producto?
NG: China.
ND: Ang taga-Japan nga Sony asa man mag pa job-out?
NG: China.
ND: Ang Apple sa America, asa man gapahimo sa ilang iPhone, iPad ug iPod?
NG: China.
ND: Sa ato pa Nyor, fake na imong iPhone kay China man na gikan?
NG: Yawards rag fake. Naa ni warranty kay sa iStore nako ni gipalit. Pero time pa ngano nga napaingon naman tas akong iPhone nga kana mang imong jersey aton giistoryahan?
ND: Kaila kang Mitt Romney, Nyor?
NG: Ang presidential candidate man na sa Republican party sa America, mao nay ibangga nilang Obama. Ngano man, siyay gatahi sa imong jersey?
ND: Gibasul karon sa Obama camp nga usas gapasiugda sa outsourcing o job-out mao ang iyang companiya. Mirason si Romney nga wa na siya sa maong kompaniya pagsugod niini og outsourcing. Apan makita pa sa mga documents nga siya pa gihapon ang chief executive officer niini pagsugod nilag outsourcing.
NG: Mao ba? Unya unsa may labot ani sa imong jersey, be?
ND: Pagbiya ni Romney sa iyang kompaniya miintra siya sa negosyo sa Olympics ug tungod niani nahimo na usab nga isyu ang mga uniform sa mga American athletes nga mangintra sa London Olympics.
NG: Kay ngano man Nyor, made in China ilang uniform ron?
ND: Tumpak! Sa ato pa, parehas na mi ni Lebron James, Kobe Bryant ug Kevin Durant nga mo sul-ob og jersey nga gikas China.
NG: Na, nayabag na!
ND: Ana lang.
