Down Friday
Niay 10 reasons kon nganong dili kaayo maayo kining maong Byernes alang kanako ug sa uban.
1. Napildi ang Oklahoma City Thunder. Naguol ako niani kay una, nasakpan ang weakness ni Durant ug Westbrook -di sila maayo mopasa. Ikaduha daw nagmalampuson na usab kining pundok-pundok nga giingon nilag “big-3” nga usa ka tinalawan nga mega star infused team building.
2. Kining mga balita-balita nga ma yataps na kuno si Dolphy. Going into the weekend, daw downer kining maong momentum.
3. Ang Hugonhugon nga kinahanglang paubsan og maayo ang balor sa Euro para dili mabungkag kining maon monetary currency. Dili kini maayong taho alang sa mga Pinoy nga nanarbaho didto sa lainlaing nasud sa Europa ug labi na sa ilang mga binuhi dinhi sa ato kay nagapasabot man kini nga mokonhud ang ilang purchasing power.
4.Daghan na usab nga artista ang nagplano nga modagan sa eleksyon sunod tuig. Dili ako supak sa ilang pagdagan apan maayo unta kon silay agenda sa ialng pagdagan. Bisag unsa nga agenda -gikan sa garbage collection ngadto sa plastic bag ban ngadto sa responsible logging o unsa pa man. pero maayo untag naa silay agenda kay kon wala mahulog na lang ug popularity contest ang politika.
5. Ang pagpanghasi sa America ug ubang Western powers sa founder sa Wikileaks nga si Julian Assange. Ang nakaparat ra ba kay taphaw ra kaayo ang laang nga ilang gihimo para kaniya. Ila siyang pautabangon sa kasong pang rape og duha ka babaye sa Sweden nga usa ka nasud nga suod sa America ug kon motunob na siya sa Sweden pwedi siyang sikupon sa America para silutan sa iyang pagsibya sa mga inamaw nga binuhatan sa pamunuan sa maong nasud.
6. Gi-hack attack ang Twitter.
7. Mobalik nasad ang mga rally sa Egypt kay wala pa pa lingkura sa ilang miliary ang giingong nakadaug sa ilang eleksyon.
8. Gi-endorse ni Gullas ang iyang apo pagka congressman isip puli niya. Ug tungod niani ato nasang madunggan ang siyagit batok sa local political dynasties. Si Pablo John ba tuod ang padaganon ni Gwen pagka gobernador.
9. Ang taho nga midagsa na usab ang mga pan-us nga gatas gikan sa China nganhi sa Pilipinas.
10. Ang pagbalik sa pag pang abduct sa mga rebelse sa Minadano. Gatuo man gud ta nga wa na ni. Nia nibalik nasad.
