Anatomy of a likoy
Gikaingon ang lalake maoy mas bigaon. Ug ang giingong iyang pakigduwa sa laing team maoy hinungdan sa panagbuwag. Ambot kon unsa ni ka tinuod. Apan daghan man usab nga higayon ang babaye maoy molikoy.
Ang match.com sa Yahoo mihatag og pipila ka rason kon nganong molikoy ang babaye usahay. Ang guna sa ilang lista mao ang iskapo gikan ni Mr. Laay.
Duna may giingon nga nauyab lang tugod sa pursiger. Usahay mouyon na lang ang babaye nga makig relasyon kay anaa man kanunay ang lalake sa iyang tupad. Bisag laay ug wa kini lami ikakuyog gisugot na lang niya di man lagi mobiya. Sa ingon ani nga relasyon dali matintal ang babaye kon mahilayo ang iyang paris nga gilaayan na siya, labi na kon mas alegre ang mobirig kaniya. Nadani siya sa consistency ug kabuotan ni Mr. Laay apan hapit na siya mamatay sa ka laay ug gahuwat na lang siya og higayon nga makalingkawas.
Ang laing rason nga gibatbat sa maong artikulo mao ang Mr. Wa Diha. Matud pa sa maong artikulo: Because absence doesn’t make the heart grow fonder. Mao kini rason nga dali molikoy usahay ang mga OFW ug ang ilang mga gibilin. Mahimo kunong fling ang maong paglikoy, tambal sa ka lonely.
Usa pa ka laing rason nga gihisgutan dinhi mao ang Mr. Comeback. Mao kini ang kasagarang conflict sa mga teleserye. Mi asoy ang usa ka babaye sa maong artikulo nga nanguyab siyag para pang “rebound” sa iyan gibati dihang gibiyaan siya sa iyang hinigugma. Okay na unta kuno ang dagan sa ilang relasyon apan ni reenter man si Mr. Ex. Ug kay gusto man kining bayhana og reserved tire iyang gilumpong ang duha. Dihang mibiya na siya ni Mr. Ex nabuking siya ni Mr. Current ug na zero na hinuon siya.
Laing pang hinungdan mao ang get-away from Mr. Yam-id. Dunay mga babay nga wa gyud tingali laing nanguyab mao nga nitapot na lang sila sa lalake nga kanunay nga manaway sa ilang himuon ug kanunay nga mang yam-id sa ilang buhaton. Kining mga bayhana daling mahuyang kon pakitaan og sweetness ug pa-cute. Tingali musaka ilang self-esteem kon tagaan silag pagdayeg kay puros man lang saway ang nakuha nila sa ilang paris.
Duna say rason nga matawag og Mr. Baslanan. Duna man guy mga babaye nga mobihag og playboy uban sa pagtuo nga ila kining mausab. Usahay tungod sa ilang kalagut sa pagpadayun niini sa iyang kinaiya manimawos sila pinaagi sa pakig duog og lain.
Duna pay duha ka rason nga gihisgutan ang maong artikulo apan kamo na lay tan-aw niani sa https://yahoo.match.com/y/article.aspx?articleid=12113&TrackingID=526103&BannerID=693282.
Nianing tungora tagaan na lang ta kamo sa lyrics sa kanta sa ’80s sexy diva nga si Eva Eugenio nga “Tukso:”
Tapat ang puso ko/At ito’y hindi magbabago/Pagka’t pag-ibig ko/Ay tanging para sa ‘yo
Wag sanang mangyari/Matukso ako nang sandali/Pagka’t ang tukso ay/Madaling nagwawagi
(Chorus:) Kayrami nang winasak na tahanan/Kayrami ng matang pinaluha/Kayrami ng pusong sinugatan/O, tukso, layuan mo ako
Di kayang sabihin/Na ako’y di magdadarang din/Pagka’t ako’y tao/May puso’t damdamin
Ngunit kung kaya ko/Ako ay hindi padadaig/Sa tuksong kayrami nang/Winasak na damdamin
Repeat Chorus: (2x to fade)
