God is ¼ animal

Gikaingon nga si Jesus nga anak sa ginuo, katunga tawo katunga ginuo. Uga matud pa ang tawo katunga hayop (kay lagi intelligent beings man kuno kita ug dili sama sa sayop nga piniriso sa ilang baser instinct). Ug kay nga si Jesus bisan sa iyang pagka mestizo tao ginuo man nga kumpleto, makaingon ba kita nga ang ginuo ¼ hayop?

Usa kini sa mga pasiaw sa academe niadtong 1980s. Ug mibalik lang kini karon kanako tungod ning kaguliyang sa ad campaign sa clothing line nga bayo. “What’s your mix?” maoy linya ning maong ad nga mihulagway sa mga tisay o sagol nga mga models. Ang tumong sa maong pahinumdom, gawas sa pag celebrar sa kaanyag sa mga Pilipina nga may sagol sa ilang kaliwat, mao ang pagpahalin sa ilang mga sinena nga pambabay nga mahimong i-mix and match (paris-paris) ang taas ug ubos.

Dunay tulo ka sipyat ang maong kampanya. Una, daw gidayeg ang tisay nga labaw pa sa pure nga pinay. Hinuon kasagaran sa atong mgaw artista, mga model ug mga entertainers mga mixed genes man. Sa ato pananglitan ang mga model nga mhinumduman ko mao sila ni Gwen Trott (half British) ug Quincy Bernales (half Jamaican)ug si Apreil Smith (nga half Afro-American). Makahinumdom usab ako sa akong estudiante nga si Rosemarie So nga bisag unsaon nakog tan-aw di gyud Pinay. Katunga Chinese kini pero ang daguay Koreana. Maingon tang daw dunay tanghaga kining may mga sagol nga langyaw. Apan kon ibutang mo man gud kini sila sa truno daw gipaubos mo ang Pinay nga natural o puro.

Ang ikaduhang sipyat sa ad mao ang kuyog nga text niani. Ug kining unang paragraph maoy medyopepiktuso:

“This is all about MIXING and MATCHING. Nationalities, moods, personalities, and, of course, your fashion pieces. Call it biased, but the mixing and matching of different nationalities with Filipino blood is almost a sure formula for someone beautiful and world class. We always have that fighting chance to make it to the world arena of almost all aspects. Be it Fashion. Music. Science and Sports. Having Filipino lineage is definitely something to be proud of.”

Kataw-anan kini kay daw gibaligya o gibugaw niani ang Filipino blood sa taga gawas para makakuha silag “beautiful and world class” nga liwat. Ug nag imply na usab kini nga ang Filipino blood kon way sagol dili mahimong “beautiful and world class.”

Ang ikatulong sipyat niani mao ang mga caption sa ubang hulagway nga gaingog –“60% African and 40% Filipino,” “30% Indian and 70% Filipino.” Kataw-anan kini kay mogitik sa atong bagulbgol ang posibling mga pamaagi nga ilang gigamit pagsukod sa percentage nga ilang gopatik.

Gwapahan kayo ako ni Megan Young kay Pilipina ang mata niani apan Caucasian ang taliwtiw nga ilong. Ingon ba niani ang pagsukod sa Bayo. Bisdak ug simod -10%, Norwegian og agtang -10%, Ilocnana og panit -20% kandingon og baho -30% and so and so forth.

Kon balikan ta ang God is ¼ animal murag amdukoang mga pet lovers niani. Lagmit isaka nila ang percentage sa animal diha sa ginuo. Usa kuno sa katarungan nga ganahan ang mga Amerikano sa iro mao nga ang dog binali nga spelling sa god. Holy Anagram.