Nagbinastos si Corona kagahapon
Ang kalit nga pag walk out ni Supreme Court Chief Justice Renato Corona kagahapon bisag wa pa ma discharge sa iyang pag-testify human sa sobra duha ka oras nga opening statement ug PowerPoint presentation nagpakita sa iyang pagka-bastos, pagka way batasan ug pagka way respeto sa Senate-Impeachment Court.
Kun gikapoy man siya nganong di man mananghid ug tarong aron ipasuspenso ang proceedings? Kun mo-inom man siya ug tambal, nganong wa man siya mopakita sa insaktong pamatasan? Klaro kaayo’ng nagdrama lang si Corona ug iyang mga abogado nga kuno mi-ubos ang iyang sugar level.
Depensa nalang sa pamilya ug doctor ni Corona nga mi-ubos ang sugar sa Chief Justice aron makarason sa iyang ka bastos ug pagka way respeto.
Kun hari siya sa hudikatura di siya maghari-hari sa Senado.
Ang nakadaut lang sab ni Senate President Juan Ponce Enrile pakyas sa pagpadakop ni Corona nga unta puwede niya’ng himoon.
Maylang sila mopadakop sa mga tawo nga dili impluwensiyado. Kun buot huna-huna-on puwede nilang dakpon labi pa kay maoy akusado sa impeachment case.
Article continues after this advertisementKun tarong pa si Corona sa siya’ng pagkamahistrado ug haom siya sa iyang katungdanan siya maoy unang mo-observe ug proper decorum kay mao gyud kini ang ipatuman sa atong mga courtrooms.
Article continues after this advertisementKadtong iyang pagpakita sa publiko nga mipirma sa iyang waiver aron paablihan ang iyang dollar ug peso account sa tanang mga bangko mahug ra gihapon kadtong bugal-bugal.
Kay usa kadto ka conditional kay iyang giklaro nga mahatag lang niya ang iyang waiver kun mopirma usab ug susamang waiver ang 189 ka mga kongresista nga mipirma sa impeachment complaint batok kaniya.
Kun transparent si Corona ug seryoso sa iyang paglimpiyo sa iyang pangan dili siya mohatag ug mga conditions.
Labing tinuud hapit nako makonbinse sa depensa ni Corona kagahapon dihang mipirma siya sa waiver.
Apan pagka-uwahing bahin nalawgaw tungod sa iyang gi-set nga conditions batok sa mga kongresista.
* * *
Practically bahaw na ang mga pamahayag kagahapon ni Supreme Court Chief Justice Renato Corona sa iyang opening statement sa ika 40 ka adlaw sa iyang impeachment trial sa Senate-Impeachment Court kagahapon batok kang presidente Noynoy Aquino.
With all due respect wa ko’y nakitang mga luha nga midagayday sa mga mata ni Corona dihang nahunong siya sa iyang speech nga medyo nahimo siya’ng emotional pagtimaan unta nga kinasing-kasing ang iyang pagpadayag ug makuha niya ang simpatiya sa publiko.
Ang tawo nga inosente nga motabi sa kalagot, magpanggawot sa ngipon, mag-usab-usab ang tingog sa kahi-ubos. Pero wa kini ni Corona.
Sama siya sa plakang guba nga nagbalik-balik sa alegasyon batok kang presidente Aquino nga ang presidente nanimawos lang human gipilde ang pamilya sa presidente sa Hacienda Luisita property.
Iyang gipasabot nga dili gyud siya mo-resign kay kun mobiya sa puwesto siya maoy makalolooy ug maisip nga siya mi-surrender sa iyang kawsa sa pagpalugwa sa kamatuuran.
Ang bag-o sa palami nga estorya ni Corona mao nga simple ra gyud kaayong ang ilang panginabuhi sud sa 40 ka tuig nila’ng magtiayon mao nga nakatigom sila bunga sa katigayunan nga gikan sa ilang isig ka ginikanan ug bunga sa ilang mga paningkamot.
Nagpuyo sila nga way katabang sa bay sa iyang mga ginikanan. Simple’ng pagka-on. Way air-conditioning unit.
Niadtong miaging simana si Ombudsman Conchita Carpio-Morales mibutyag nga si Corona dunay gitago nga balig $10 million to $12 million sa 82 ka bank accounts nga na-apod-apod sa lima ka mga bangko nga wa niya gideklarar sa iyang Statement of Assets, Liabilities and Net worth (SALN) basi sa report nga gikan sa AMLAC- Anti-Money Laundering Council.
Initially gihimakak ni Corona nga dunay siya’y 82 ka dollar accounts. Matud niya nga duna lang siyay upat ka mga dollar accounts. Iyang gipasabot nga ang ubang accounts na-closed na ug ang uban nabalhin sa ubang accounts aron pagpadaku sa interest rate.
Iyang gipasabot nga ang iyang kita sa trabaho ilabina sa pagka-abogado ilang ipa-convert ngadto sa US dollar kay mas stable ikomparar sa Philippine currency.
Pero wa gyud siya maghisgot kun pila ang sulod sa iyang upat ka mga dollar accounts.
Iyang gilabhan si Ombudsman Morales kay malisyoso kaayo ug mga alegasyon bisag nasayod sa tukmang kantidad kun pila ang iyang dollar account nga layo ra sa $10 million to $12 million.
Iyang gi-esplikar nga wa niya maapil sa SALN tungod sa lagda sa balaud nga mao ang mga RA 6426 and RA 1405 kon Foreign Currency Deposit Law nga absolute ang law on confidentiality.
Pero kun subayon ang konstitusyon ug ang probisyon sa R.A. 6713 kon Code of Conduct and Ethical Standards for Public Officials and Employees nagmandu nila’ng taga gobyerno nga ideklarar gyud ang tanang assets ug kuwarta ma-peso o ma-dollar account.
Kun seryoso pa si Corona pagtug-an sa tinuud, nganong wa man niya itug-an kun pila gyud ang tibuuk niyang kuwarta sa bangko?
Nagdrama-drama pa ang kanahan. Nagtuo siguro siya nga maka-ayo niya ang iyang kabuang kagahapon.
Wa man ko moingon nga mga santos na kadtong mga kongresista nga mipirma sa impeachment complaint batok kaniya apan atong ibutang sa insaktong forum.
