And God made Annabelle Rama
Nyor Gamay (NG): Kinsay gahimo sa yawa, Nyor?
Nyor Dako (ND): Kon motuo kag Ginoo, ang Ginoo maoy gahimo sa yawa kay siya may gahimo sa tanan.
NG: Kinsay gahimo ni Annabelle Rama, Nyor?
ND: Following the same line of reasoning—ang Ginoo gihapon. Pero nganong nangutan man kag kinsay gahimo sa mama ni Ruffa?
NG: Nakakita naman ka sa TV, Nyor, nga mura nig demonyo kon makig away.
ND: O.
Article continues after this advertisementNG: Unya nahibawo sad ka nga matinabangon ug mangihatagon sab ni siya.
Article continues after this advertisementND: O. Nakadungog nakos iyang pagkamatinabangon. Ug nakadungog sab ako nga isug kaayo kining molaban sa mga Bisdak ngadto sa Manila.
NG: Unya nakahibawo ka deboto ni siya sa Sto. Niño?
ND: O. Ug nga strong supporter kini sa mga madre sa Asilo Milagrosa. Sa laktud nga pagka yamyam, nangatul imong bagulbagol kon maayong binuhat ba kini si Annabelle Rama o dili.
NG: O, Nyor.
ND: Itandi ta na lang si Annabelle Rama sa Tanduay.
NG: Ha? Ngano man?
ND: Be, i-spell ang Tanduay.
NG: T.
ND: Tanan.
NG: A.
ND: Ania.
NG: N.
ND: Niani.
NG: Amaw man ka, Nyor! Imo man sad kong isulod sa bulsa. Karaan na kaayo na nga binuang—Dyos Ug Ang Yawa.
ND: Di tika isulod sa bulsa, Nyor, uy. Di sad ka masulod. Ulo na lang daan matastas na akong sinorsihang karsones. Gipahinumduman lang tika nga mahimong mo co-exist ang opposing forces sa usa ka entity, Yin-yang ba.
NG: Unya karon mudagan ra kuno si Annabelle Rama pagka congresswoman sa north disrict sa dakbayan.
ND: Ug gani karon pa lang duna na siyay issue o krusada nga gisuporthahan: Stop the flyover.
NG: Bitaw, Nyor, gisamukan na kaayo ko aning mga flyover. Lagyo na kaayo tag baktason kay isaylo man ta kanunay sa atong adtuon. Maayo lang nis naay mga sakyanan.
ND: Sa ato pa—sama sa mga madre, mga environmentalist, mga traffic manager, mga naalkansi nga negosyante tungod sa flyover—naa ka sa kampo ni Annabelle Rama ning maong issue. Murag makabutar ka ani niya, Nyor.
NG: Kinsa man say kabangga niya, Nyor?
ND: Kon di si Raul del Mar, si Cutie.
NG: Del Mar vs. Anabelee—hehe. The devil or the deep blue sea, Nyor.
ND: Nyor, walay normal nga abogado, normal nga doctor o negosyante ang may purohan nga mobuntog sa mga Del Mar. Nakagamot na sila, Nyor. Nanginahanglag usa ka simang ug usa turbo charged nga kandidato ang opposition para maka baraw ug gulat sa mga Del Mar.
NG: Ikaw, Nyor, mobutar kang Annabelle?
ND: Dili kay taga South District man ko ug wa na sad koy rehistro. Apan kanunay kong magsunod nianing iyang kandidatora kay mao kini magahatag og kolor ug kasadya sa eleksyon sunod tuig.
