Libitikusang nawong mo

Mura og gender issue month kining buwan sa Mayo. Una, mi-ingon si Miriam Quiambao nga mga bayot bakak sa yawa. Dayon gisundan kini sa pahayag ni Barack Obama nga uyon siya sa kaminyuon sa mga bayot ug tomboy o same-sex marriage. Ug karon miapil na si Manny Paquiao ning layog sa pagbati dihang miingon siya nga supak sa balaud sa Ginuo kining baruganan ni Obama.

Daghang nangasuko sa opinion ni Pacquiao. Ang The Groove, ang shopping mall sa mga artista ug mga celebrity sa Los Angeles California, mi ban na ni Paquiao sa ilang lugar. Ang interview ni Pacquiao nga adto himuon sa atubangan sa maong mall dili na madayon.

Ug dunay pipila ka mga tao nga mi-petition sa Nike nga ipa-withdraw ang ilang pag gamit sa mga pahinumdum diin si Pacquiao ang ilang endorser.

Dunay pipila ka manunulat nga miingon nga si Pacquiao mismo dili man putli ug limpyo ang pagkatao ug nga kuno himabaye kini. Gani miingon sila nga mo file na unta og divorce ang asawa niani nga si Jingky niadtong panahon nga nangandam ang boxing champion sa iyang away batok kang Marquez ug nga si Freddie Roach maoy ilang gitudlo nga source ning maong balita. Gipanghimakak na karon kini ni Pacquiao ug Roach. Hinuon gi quote si Roach nga miingong ang problema ni Pacquiao mao ang “girls and everything that goes with it.”

Nakurat si Pacquiao sa mga reaction nga nakuha sa iyang gipanulti. Iya dayon kining gibawi pinaagi sa pagingon nga wa siyay kalagut sa mga bayot ug gani daghan siyang mga paryente ug higala nga bayot. Bitaw, unsa na lay ikasulti sa mga beautician ni Jingky ug Dionesia.

Nganong ingon man niani ang kakusog sa reaksyon sa mga tao sa iyang panahum ni Obama sa same sex marriage?

Gipagawas ni Paquiao ang iyang panahum sa usa ka interview sa Examiner.com nga gigamit sa LA Weekly ug sa USA Today. Sa maong mga writeups, gi-quote ni Paquiao ang Leviticus 20:13 nga nagkanayon og:

“If a man lies with a man as one lies with a woman, both of them have done what is detestable. They must be put to death; their blood will be on their own heads.”

Apan miingon si Paquiao nga wa siya moingon niani. Wala pa kuno makaabot sa Leviticus ang iyang Bible study. Unsaon niya pag quote gikan sa Leviticus kon wa pa niya kini mabasa. Ug ang interviewer mismo sa Examiner.com miingon nga wala sa iyang gisulat nga mi-quote si Paquiao og linya gikan sa Leviticus.

Tingali may conservative-rightest agenda ang mga manunulat ning maong pamantalaa. O di ba mga ani Obama sentiment sila. O di ba hinuon pro Mayweather. O basig homophobic lang gyud tingali. Kon unsa man gani, ipa libitikus ta nang ilang nawong.