Gikaingon nga ang bulang Mayo gagikan sa diyosa nga si Maia. Dunay Maia sa mga Grego duna say Maia sa mga Romano. Ang Grego nga Maia anak ni Atlas ug ni Plioni. Katulo siya mapaangki ni Zeus. Usas iyang mga anak mao si Hermes nga maoy naghimo sa lyre ug nangawat og baka gikan kang Apollo. Gikiha ni Apollo ang iyang lyre agig bayad sa mga baka nga iyang gikawat.
Ang Maia usab sa mga Grego nagpasabot usab og edaran na nga inahan ug usa ka midwife.
Ang Maia sa mga Romano nagpasabot ug pagtubo, paglambo ug pagsanay.
Sa amihanang bahin sa kalibutan, ting butho sa mga tanum (spring) ang buwan sa Mayo apan sa habagatang bahin maao kini ting laya sa mga dahon (autumn).
Sa Pilipinas, sa probinsya sa Bohol, gikaingogn way adlaw sa buwan sa Mayo nga dili saulugag pista. Kon di man gani lungsud, malagmit barangay o sityo ang magsaulog og pista.
Sa tanang santos nga ang kansang pista saulogon sa Mayo, si San Jose, amahan ni Jesus sa kalibutan ug patron sa mga panday ug mmumuo, maoy pinakainila. Siya ang patron sa dakbayan sa Mandaue.
Ang “panday” alang sa mga Tagalog kay “blacksmith” samtang ang “paday” sa mga Sugbuanon kay “karpentiro.”
Ambot kon coincidence lang ba kaha kini apan si San Jose nga maoy kuyog ni Maria sa kalibutan magdag martilyo samtang si Vulcan nga maoy giparis sa mga Romano kang Maia gada usab martilyo. Tungod kini kay puros sila panday. Si Jose karpentiro ug blacksmith usab si Vulcan. Hinuon lainlain ang klase sa ilang mga martilyo kay lainlain man silag ginamitan niani.
Hinuon sa mga Katolikong nasud, ang Mayo para kang Birhen Maria. Hinungdan nga kada adlaw dunay Flores de Mayo kada hapon ug dunay Santa Cruzan inig hinapos sa buwan.
Gisaulog usab sa Mayo ang Labor Day, ang pagka presidente ni Nelson Mandela, ang kamatayon ni King Arthur, ang pagsunog ni Joan of Arc, ang liberation sa Denmark ug Netherlands, ang International Nurses Day, ang Children’s Day sa Japan ug Korea, ang Mother’s Day sa USA ug ingon man sa pipila ka nasud sa Latin America.
Sa Estadus Unidos gihimo nila ang Mayo og Mental Health Awareness Month ug National Masturbation Month.