Nyor Gamay (NG):Migraduate ba ka, Nyor?
Nyor Daku (ND): Kaluoy sa Dios, Nyor.
NG: Ug sa kaluoy sad sa maestra, maestro ug prinsipal, Nyor?
ND: Amen.
NG: Unya nipaso sad ka, Nyor?
ND: Simbako ka, Nyor.
NG: Ha? Wa diay ka mopaso?
ND: Wa ka mayabag. Nahug kag ulogulogan. Pabayron pa ka unya palakawlakawon sa stage. Pasul-ubon pa ka anang toga nga murag pang Halloween. Unya kon ma late paka sa practice, kasab-an pa ka. Usapa na. Unsa man kunoy makuha nimo anang pasopaso nga makuha ra man gihapon na nimo ang imong diploma sa registrar. Raket na, Nyor! Lain nasad nang pangilad sa eskwelahan na ang graduation ceremony. Pangilkilay blues na, Nyor.
NG: Anti-social man ka, Nyor.
ND: Amen to that.
NG: Unya wa ka maluoy sa imong ginikanan. Imo silang gihikawan sa pagtan-aw sa ilang gigastuhan nga mopakita sa iyang kaugalingon sa katilingban.
ND: Gipul-an na silag hinuwat nako, Nyor. Daghan nang katalagman ang miaagi sa mga katuigan undergrad lang gihapon ko. Sa highschool lang daan mura nakog nag masters sa kataas nga higayon nga wa ko mograduate.
NG: Kaluoy sad sa paring gabunyag nimo ,Nyor.
ND: Amen to that once more. May his soul rest in peace.
NG: Sa ato pa, Nyor, di diay ka maka empathize o bisag sympathize man lang ning bikini girls sa STC?
ND: Ngano man, Nyor? Hubuon nila ilang bikini kon mopaso ko?
NG: Nagka grabe na nang imong pagka anti-social, Nyor. Kay bisag sexy nga balita wa naman lang nimo panumbalinga.
ND: Be, na koryuso na hinuon ko.
NG: Gikiha man gud ang St. Theresa’s College sa usa sa mga estudyante nga di papasuhon kay nagsul-ob kinig bikini sa picture nga na post sa facebook.
ND: Aw, pasar man kaha? Sa ato pa maka graduate pero dili lang makapaso sa stage. Way problema na.
NG: Maayo lagig tanang tao parehas nimo. Ang kasagaran ganahan man mopaso unya magpa piktyorpiktyor dayon.
ND: Aw o tuod. Daghan tuod ang ganahan tan-awon unya pakpakan. Labi na sa kultura sa mga batan-on nga “see and be seen” maoy motivation sa ilang sinul-uban ug mga activities.
NG: Speaking of “see and be seen,” Nyor, duna koy nabasahan nga moprotista kuno ang sakop sa ilang student body pinaagi sa pagsul-ob og swimsuit sa ilang toga unya mo “flash” sila sa ilang gisul-ob inig humag dawat sa diploma.
ND: Murag atik ra na, Nyor, kay di man gani kuno mag toga kining maong eskwelahan. No makeup, no burluloy. Hasta gani kuno ang bangs not allowed. Pero kon mahitabo man gani tong imong nabasahan, makaingon man sad ta ug God is good! Mura nig effect niadtong bra-burning sa 60s.
NG: Hallelujah! Maayo unta. Atong i-ampo.
ND: Unsa man diay nakita sa ilang facebook, Nyor?
NG: Matud pas abogado sa St. Theresa’s, “engaging in dirty dancing and kissing lips to lips in public” unya “excessive drinking” pa gyud kuno, Nyor.
ND: Aw, wa diay mud wrestling. Unsay ilang gi-inom, Nyor? Red Bull? Naka-abri kas ilang FB, Nyor?
NG: Wa intawon, Nyor, uy kay private man kuno ning ilang account.
ND: Kaluoy sad nimo, Nyor. Pero nganong nakakita man ang mga madre ani nga private man kaha ni nga account?
NG: Mao na diha, Nyor. May mga nag-ingon nga dunay hacker sa opisina sa mga madre.
ND: You mean, mother hacking superior, Nyor?
NG: Or Mother Hacker.
ND: Lain na paminawon, Nyor. Ingna lang mama hacker.
NG: O, mama hack.
ND: Ayaw na, Nyor.
NG: Ngano man?
ND: Daghang mapahak ana, Nyor.
NG: Sige, Nyor, imo na lang tanang ending, bisag way lami.